Billboard ni rumwe mu rubuga rumenyereweho gushyira ku myanya indirimbo zikunzwe ndetse ku muhanzi wese wabashije kugera kuri uru rubuga aba yakoze indirimbo y'ibihe byose kuri we kubera ko aba ari ikimenyetso cy'uko ikunzwe ku Isi hose.
Nyamara nubwo izi ndirimbo zabaga zikunzwe ku Isi hose, hari indirimbo zitajyaga zigaragara kuri uru rubuga ariko zikunzwe cyane cyane n'abantu bakoresha urubuga rwa TikTok muri uyu mwaka wa 2023 bamaze kugera kuri Miliyari 2 bakaba bariyongereyeho 17% ugereranyije n'umwaka washize..
Nyuma y'igihe kirekire hatangwa ibitekerezo mu buryo bwo kuba hashyirwaho icyiciro cy'indirimbo zikunzwe cyane ku rubuga rwa TikTok, byamaze kwemezwa ko umuhanzi wese uzabasha gukora indirimbo igakundwa ku rubuga rwa TikTok azaba afite amahirwe yo kwisanga ku rubuga rwa Billboard.
TikTok ni urubuga kugeza ubu rukorera mu bihugu 160 biri ku Isi rukaba rumaze gushyirwa muri telephone n'abantu bo muri Amerika barenga Miliyoni 300 kuva rwatangira kuhakorera..
Bitari ibyo gusa, TikTok iri mu mbuga zikoreshwa cyane buri kwezi kuko ruri ku mwanya wa 4 aho rukoreshwa n'abantu barenga Miliyari nyuma ya Facebook ikoreshwa cyane na Miliyari 2.9, Youtube ikoreshwa n'abantu Miliyari 2.2, Instagram ikoreshwa na Miliyari 1.4, hagakurikiraho TikTok ikoreshwa na Miliyari byibuze buri kwezi.
TikTok imaze gushyirwa muri telephone inshuro Miliyari 2.7 ku Isi hose aho muri bo Miliyoni 500 bakomoka mu Buhinde, Miliyoni 180 bakomoka mu Bushinwa, Miliyoni 130 bakomoka muri Leta zinze ubumwe za Amerika.
Mu bantu bakorehsha uru rubuga buri kwezi, Miliyoni 5 ni Kompanyi ziba zifite ibikorwa zinyuza kuri uru rubuga mu buryo bwo kwamamaza ndetse no kumenyekanisha ibikorwa byabo.
Muri Amerika, abafite imyaka hagati ya 10 -19 bakoresha TikTok ni 34%, 20-29 ni 29%, 30-39 ni 16%, 40-49 ni 13.9% hanyuma abafite imyaka 50 kuzamura bakoresha TikTok ni 7.1%.
Byibuze buri muntu ukoresha urubuga rwa TikTok, ku munsi amara isaha n'iminota mirongo itatu arimo kurukoresha,bivuze ko nubwo wowe utakoresha uru rubuga iyo saha n'igice, hari undi muntu uyigukoreshereza.Hanyuma buri muntu wese ukoresha TikTok ayifungura byibuze inshur 8 ku munsi.
Kuri Tiktok, byibuze 83% bayikoresha bamaze gushyiraho amashusho yabo kandi amenshi yiganjemo indirimbo akenshi nazo usanga zisa bigatuma hari indirimbo zikundwa cyane.
Mu gihe cy'ukwezi kumwe, TikTok yishyura arenga Miliyari 500 ku bantu bakoresha uru rubuga bituma narwo ubwarwo uretse kurukoresha ahubwo rutanga agatubutse.
Nyuma y'ibi byose, ubuyobozi bwa Billbord na TikTok baganiriye uburyo bashyira hamwe nabo bakajya barebera hamwe indirimbo zikunzwe kuri uru rubuga bakazishyira mu myanya bikazafasha ba nyirazo kwamamara ndetse no guhabwa icyubahiro nk'abandi.
Billboard ni urubuga rumenyereweho gushyira mu myanya indirimbo zikunzwe aho bakunze gutangaza indirimbo 100.
TikTok ikomeje gushakira amayira yo kwaguka mu bukungu abakoresha uru rubuga.