Ibitaramenyekanye kuri Harmonize wavuye i Kabuga kuri Moto nyuma y’uko we na Yolo The Queen imodoka ibapfiriyeho mu nzira

Uyu muhanzi igihe gito yamaze i Kigali, yari amaze kuyihindanya mu myidagaduro dore ko umunsi ku munsi yabaga yakoze udutendo dutandukanye.

Harmonize ukomoka muri Tanzaniya, iyo atavugwaga mu nkuru z’urukundo we na Yolo, yavugwaga mu bindi.

Si udutendo cyangwa ibyamuranze i Kigali tugiye kugarukaho, ahubwo tugiye kugaruka ku buryo uyu muhanzi yavuye i Kabuga kuri Moto agaruka kuri Hotel.

Uko byagenze kugira ngo Haromonize ave i Kabuga n’amaguru.

Ubwo Harmonize yari atashye we na Yolo The Queen bagiye i Rwamagana aho uyu mukobwa atuye, imodoka yaje kugira ikibazo mu nzira, biba ngombwa ko yiyambaza moto bwangu imusubiza kuri Hotel.

Umumotari watwaye Harmonize ariko utifuje ko dukoresha amazina ye, yabwiye inyaRwanda.com ko ari we watwaye Harmonize amukura i Kabuga ndetse ko batigeze bavugana amafaranga ahubwo yamwishyuye kandi neza.

Motari yavuze ko atwara Harmonize, atari yamenye ko ari we cyane ko yari yitwikiriye amaso yose, ahubwo ko yaje kubimenya nyuma agiye kumwishyura.

Harmonize na Yolo The Queen ntibagisiba kwerekana urukundo rwabo banyuze ku mbuga nkoranyambaga ndetse umunsi ku munsi bakunze kwerekana bari kumwe.

Harmonize aherutse gushyira hanze indirimbo ari kumwe na Bruce Melodie ndetse aha akaba anavugamo uyu mukobwa.

Yolo The Queen kandi aherutse kwerekana ari muri Tanzaniya, aho yagiye guhurira na Harmonize nyuma y’uko avuye mu Rwanda.

Harmonize yavuye i Kabuga kuri moto

Yolo The Queen akunda kugaragaza amarangamutima ye kuri Harmonize