Imyaka yariyabaye itandatu uyu mukinnyi ukomoka muri Brazil akina muri Paris Saint-Germain, yayigezemo muri 2017 avuye muri FC Barcelona atanzweho ikayabo k'agera kuri miliyoni 222 z'Amayero.
Neymar yakiniye Paris Saint-Germain imikino 173, ayitsindira ibitego 118 ndetse anatanga imipira 70 yavuyemo ibitego. Yanatwaranye nayo ibikombe bitandukanye birimo 5 bya shampiyona y'iu Bufaransa gusa gutwara icya Champions League byo byaranze burundu.
Kuri uyu wa kabiri taliki 15 Kanama 2023 nibwo ikipe ya Al Hilal yemeje ko yasinyishije Neymar amasezerano y'imyaka 2 ikazamuhemba miliyoni 300 z'amayero.
Nyuma yuko Al Hilal itangaje ko yamusinyishije, Perezida wa Paris Saint-Germain, Nasser Al Khelaifi yageneye ubutumwa Neymar amubwira ko bigoranye kumusezeraho kandi yari umunyabigwi w'ikipe.
Yagize ati "Mu busanzwe biba bogoranye gusezera ku munyabigwi w'ikipe nka Neymar. Ntabwo nzibagirwa umunsi yageze muri PSG, ibyo yazanye muri iyi kipe ndetse no kumushinga wacu muriyi myaka itandatu".
"Twabanye mu bihe bidasanzwe kandi Neymar azahora mu bice by'amateka yacu. Ndashaka kumushimira, ndetse n'umuryango we. Twifurije Neymar ibyiza mu hazaza he ndetse no mu buzima bwe bw'ahazaza ".
Neymar wamaze kwerekanwa nk'umukinnyi wa Al Hilal
Perezida wa PSH, Nasser Al Khelaifi wageneye ubutumwa Neymar bari bamaranye imyaka 6
