Ikipe y'igihugu y'u Rwanda y'Abagore mu mukino wa Basketball yakatishije itike ya 1/2 nyuma y'uko itsinze ikipe y'igihugu ya Uganda imbere ya Perezida Kagame mu mikino y'igikombe cy'Afuruka.
Ni umukino wabaye kuri uyu wa Gatatu taliki 2 Kanama 2023 muri BK Arena.
Ikipe y'igihugu ya Uganda yageze muri 1/4 nyuma yo gutsinda Repubulika Iharanira Demokarasi ya Congo naho u Rwanda rwo rwabonye itike ya ¼ nyuma yuko rutsinzwe na Angola ariko ruza gutabarwa nuko rwari rwatsinze Côte d’Ivoire ku kinyuranyo cy’amanota menshi.
Mu gace ka mbere ikipe y'igihugu ya Uganda niyo yaje yitwara neza itsinda amanota 22-11, mu gace ka kabiri ikipe y'Igihugu y'u Rwanda yahise iza ihindura imikinire nayo yitwara neza igabanya ikinyuranyo cy'amanota maze igice cya mbere kirangira ari amanota 28 ya Uganda kuri 27.
Mu gace ka 3 nanone ikipe y'igihugu y'u Rwanda ya Basketball y'abagore yaje ikomeza kwerekana imbaraga cyane, karangiye ifite amanota 52-37.
Mu gace ka kane ari nako ka nyuma ikipe y'Igihugu ya Uganda yaje ikina ishaka gukuramo ikinyuranyo cy'amanota ariko ntibyakunda maze umukino urangira u Rwanda rukomeje kuyobora n'amanota 66-61.
Ikipe y'igihugu y'u Rwanda yahise ikatisha itike ya 1/2, ku munsi we'jo saa kumi n'ebyiri izahura n'ikipe iri buve hagati ya Nigeria na Mozambique.
Uyu mukino kandi witabiriwe na Perezida Kagame ndetse na Minisitiri wa siporo, Aurore Mimosa Munyangaju.
Ikipe y'igihugu y'u Rwanda yatsinze Uganda mu mikino y'igikombe cy'Afuruka
U Rwanda rwakatishije itike 1/2
Perezida Kagame na Minisitiri wa siporo Aurore Mimosa Munyangaju bakurikiranye uyu mukino
Eng
RSS 
TANGA IGITECYEREZO