Miss Judith Heard yunamiye Se n’izindi Ntwari zitanze mu kubohora u Rwanda

Abinyujije ku rukuta rwe rwa Instagram, nyampinga w’ibidukikije mpuzamahanga muri Afurika (Miss Environment International Africa), yunamiye se avuga ko ku munsi wo kwibohora, yibuka se n’izindi ntwari zikomeye zazaniye u Rwanda amahoro.

Judith Heard yuynamiye se ku munsi wo Kwibohora 

Mu butumwa bwe yagize ati “Uyu munsi ndibuka kandi nishimira intwari yanjye (DADDY) n’abandi bagabo bose bakomeye badupfiriye kugirango tube mu gihugu cy’amahoro (RWANDA)."

Mu marira menshi yashyizeho ifoto ya se, maze yandikaho ati “Nimurebe Papa wanjye, twarasaga cyane."

Judith asanzwe ari n'umunyamideli

Miss Judith yakomeje asobanura byinshi ku munsi wo Kwibohora, impamvu yabyo, n’icyo usobanuye mu mateka y’igihugu.

Ati “Umunsi wo Kwibohora mu Rwanda uba ku ya 4 Nyakanga wizihizwa kubera ko ugaragaza isozwa ry’igihe cya Guverinoma y'igitugu kandi ukagaragaza n’intangiriro y’umudendezo uzira gukandamizwa. Uyu munsi werekana iherezo ry’igitugu n’intangiriro ya Demokarasi. Iyi tariki kandi ni isabukuru y’umuryango uharanira inyungu z’igihugu cy’u Rwanda, wabohoye igihugu kandi ukarangiza Jenoside yakorewe Abatutsi mu 1994. Umunsi uzwi cyane nko ‘Kwibohora’."

Muri 2021 yegukanye ikamba rya Miss Elite Africa