Perezida Kagame yazamuye mu ntera ba Ofisiye muri Polisi bamwe bagirwa CP

Nk'uko bigaragara ku rutonde rwashyizwe ahagaragara na Polisi y'Igihugu  y'u Rwanda ,abapolisi ba ofisiye bakuru babiri bahawe ipeti rya Komiseri wa Polisi (CP) ndetse na barindwi bahabwa ipeti rya Komiseri wungirije (ACP) , abandi bapolisi b'abofisiye 173 nabo bazamurwa mu ntera bahabwa amapeti yisumbuye kuyo bari bafite .

ACP Yahya Mugabo Kamunuga na ACP Felly Bahizi bazamuwe mu ntera bagirwa komiseri muri Polisi y'u Rwanda (CP) mu gihe abandi barindwi aribo, CSP  Francis Muheto, CSP  Augustin Kuradupagase ACP Tom Gasana, CSP Silas Karekezi , CSP Celestin  Kazungu CSP ,Augustin Ntaganira  na CSP Jean Pierre Rutajoga bazamuwe mu ntera bahabwa ipeti rya Komiseri wungirije muri Polisi y'u Rwanda (ACP).

Abapolisi ba ofisiye barindwi bari bafite ipeti rya SSP bahawe irya CSP abari bafite ipeti rya SP 46 bazamurwa mu ntera bahabwa  irya SSP .

Abandi bapolisi  120 bari bafite ipeti ipeti  rya  CIP bahawe irya SP. Mu gihe Abapolisi 329 bavuye ku ipeti rya IP bahabwa irya CIP.umupolisi umwe yazamuwe mu ntera ahabwa ipeti rya CIP avuye kurya AIP mu gihe Abapolisi 20 bahawe irya IP bavuye kurya AIP .

Abandi bazamuwe mu ntera ni Abapolisi 392 bari bafite ipeti rya S/SGT  bahabwa irya C/SGT, Abapolisi 1607 bari bafite ipeti rya SGT bahawe irya S/SGT ,abari bafite ipeti rya CPL 869 bahawe irya SGT  mu gihe abandi 724 bahawe CPL bavuye ku ipeti rya PC .

Abo bapolisi bose kuzamurwa mu ntera byatangajwe mu byemezo by,'inama y'abaminisitiri yabaye ku mugoroba wo Kuwa kabiri tariki ya 6 Kamena 2023 .