RFL
Kigali

Al - Shabaab yivuganye abasirikare 54 ba Uganda

Yanditswe na: Ngabonziza Justin
Taliki:5/06/2023 12:14
0


Leta ya Uganda yatangaje ko abasirikare bayo 54 biciwe mu gitero cyagabwe n'umutwe w'Iterabwoba wa Al -shabaab mu mpera z'ukwezi kwa Gicurasi .



Ku mugoroba wo Kuwa Gatandatu tariiki ya 3 Kamena 2023,Perezida wa Uganda Yoweri Kaguta Museveni yatangaje ko igitero Al Shabaab yagabye mu ku ngabo z'Umuryango w'Afurika Yunze Ubumwe  zibungabunga Amahoro muri Somalia cyahitanye abasirikare 54 ba Uganda mu bagera 137 bishwe n' igitero cy'umwiyahuzi .

Nyuma y'icyo gitero gitero cyagabwe tariiki 26 Gicurasi 2023 , Perezida Museveni yari yatangaje ko cyagabwe ku basirikare ba Uganda bari mu butumwa bwa Afurika yunze Ubumwe ariko icyo gihe ntiyigeze agaragaza ko hapfiriyemo abo basirikare bose .

Urupfu rw'abo basirikare 54  yarutangaje,ubwo yavugaga ko Ingabo za Uganda zongeye kwigarurira agace zari zavanwemo na Al -Shabaab kari mu birometero 130 uvuye muri  Mogadishu  umurwa mukuru wa Somalia .

Nubwo Perezida Museveni yari yatangaje ko yapfuye abantu 54,umutwe wa Al shabaab tariki 26 Gicurasi 2023  wari watangaje ko wivuganye abasirikare 137 mu gitero  umwiyahuzi wabo  yagabye ku ngabo z'Umuryango w'Afurika yunze Ubumwe ziri mu   gace ka Bulamarer.

Umutwe wa Al- Shabaab umaze imyaka irenga 17 urwanya Leta iyobowe n'abashyigikiwe Leta Zunze Ubumwe za Amerika  ndetse Ibihugu  byo ku Mugabane w'Uburayi.

Igihugu cya Uganda cyohereje Ingabo kubungabunga amahoro muri Somalia mu mwaka wa 2007 ,icyo gihe zikaba zari mu butumwa bw'Ingabo z'Umuryango w'Abibumbye AMISOM ariko ubwo butumwa bwahawe Ingabo z'inzibacyuho z'Umuryango w'Afurika yunze Ubumwe tariki ya 1 Mata 2023 ATMIS (African  transition  mission in Somalia).

Uganda ifite abasirikare barenga 5000 muri ATMIS mu basirikare 1000 bari mu butumwa bw'Umuryango w'Afurika yunze Ubumwe (A.U) abandi basirikare basigaye baturuka mu  Burundi na Djibouti .

Isoko: Monitor.co.UG 










TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND