Ikipe ya Manchester United, Arsenal na Liverpool zose zirashaka gusinyisha umukinnyi wa Chelsea ukina mu kibuga hagati akaba anakomoka mu Bwongereza ari we Mason Mount.
Isoko ry'igura n'igurisha ku bakinnyi rizafungura taliki 14 Kamena 2023 kugeza taliki 1 Nzeri 2023 muri Premier League. Amakipe akeneye kwiyubaka, yatangiye kuganiriza abakinnyi cyane cyane abarangije amasezerano.
Arsenal, Manchester United na Liverpool zose zirashaka cyane Mason Mount ariko nk'uko ikinyamakuru The Athletic kibitangaza, umukinnyi we ku giti cye arahitamo kuba yakwerekeza mu ikipe y'amashitani atukura imutanzeho miliyoni 55 z'amayero.
Mbere y'uko Chelsea na Manchester United zihura, uyu munsi mu kiganiro n'itangazamakuru Frank Lampard utoza Chelsea yabajijwe ku hazaza ha Mason Mount mu ikipe ye maze avuga ko atabizi ahubwo bizwi n'ikipe ndetse n'umukinnyi ku giti cye.
Ku mutoza uzatoza Chelsea mu mwaka utaha w'imikino, Mauricio Pochettino yatangaje ko mu mishinga ye afitemo Mason Mount, ubwo birasaba ko abayobozi ba Chelsea bemeza uyu mukinnyi akaba yaguma muri iyi kipe nubwo na Erik Ten Hag amutekerezaho cyane.
Uyu Mason Mount uri gushakwa cyane muri uyu mwaka w'imikino yakunzwe ko kurangwa n'utubazo tw'imvune twa hato na hato. Yatsinze ibitego 3 anatanga imipira 3 yavuyemo ibitego muri Premier League, muri Champions League ho yatanze imipira 4 ivamo ibitego.
Uyu mukinnyi wakuriye mu ikipe y'abato ya Chelsea kuva yagera mu nkuru umwaka w'imikino udasanzwe yagize ni iwa 2021-2022 kuko yatsinze ibitego 13 anatanga imipira 16 ivamo ibitego.
Imibare ya Mason Mount muri uyu mwaka
Mason Mount akomeje gushakwa n'amakipe akomeye
Eng
RSS 
TANGA IGITECYEREZO