Ku mugoroba wo kuri uyu wa Gatanu, ubwo ikipe yari Marine FC yari mu myitozo, ni bwo Gitego Arthur yaje gukoranaho n'umukinnyi mugenzi we, ndetse ahita asohoka nyuma yo kumva ababaye.
Uyu musore w'imyaka 22, umuganga w'ikipe yaje kumubwira ko azamara hanze y'ikibuga igihe kiri hagati y'ibyumweru 4 na 6, bituma umwaka we w'imikino uhita urangira.
Marine FC iherutse gusezererwa mu mikino y'igikombe cy'Amahoro n'ikipe ya APR FC, iracyarwana intambara yo kuguma mu cyiciro cya mbere aho kuri ubu iri ku mwanya wa 12 n'amanota 31.
Ni uku ikirenge cy'ibumoso cyabaye
Shampiyona isigaje iminsi ibiri ngo irangire, Marine FC izakina iyi mikino idafite Gitego Arthur umwe mu bayitsindiye ibitego byinshi muri uyu mwaka w'imikino kuko ubu afite ibitego 11 n'imipira 7 ivamo ibitego muri rusange, ariko akagira ibitego 9 muri shampiyona.
Ubwo shampiyona izaba igarutse Marine FC izasura Rayon Sports i Nyamirambo, naho umukino w'umunsi wa nyuma, isure Police FC.
Marine FC urugendo irimo ntabwo izaba iri kumwe na Gitego Arthur
Gitego asanzwe ari umukinnyi wa Amavubi U23