Umyamabanga Mukuru wa FERWAFA n'abandi bayozi 4 baviriye rimwe ku mirimo yabo

Ibi byabaye kuri iki gicamunsi cyo kuri uyu wa Kane, ni nyuma y'amasaha macye uwari Perezida wa FERWAFA, Nizeyimana Olivier Mugabo nawe yeguye kuri uyu mwanya bitewe n'icyo yise impamvu ze bwite zimukomereye mu ibaruwa yashyize hanze ihamya ubwegure bwe. 

Kugeza ubu nta baruwa ya Muhire Henley yemeza uku kwegura irajya hanze, ariko amakuru InyaRwanda ifite ni uko yamaze gusezera ku nshingano yari afite zo kuba Umunyamabanga mu ishyirahamwe ry'umupira w'amaguru mu Rwanda. 

Ku wa 6 Mutarama 2022, ni bwo Muhire yari yatangajwe nk’Umunyamabanga Mukuru wa FERWAFA, yari yasimbuye Uwayezu François Regis wari umaze imyaka isaga itanu awuriho ariko akaza kwegura tariki ya 12 Nzeri 2021. Aha inshingano zahise zisigaranwa na Iraguha David aba Umunyamabanga Mukuru w’Umusigire wa FERWAFA.

Umuyobozi wa 2 weguye ni  David IRAGUHA wari ushinzwe imari muri FERWAFA wigeze no kubaho Umunyamabanga w'umusigire.

Abandi beguye ni Komiseri ushinzwe Amategeko, Uwanyirigira Delphine; Komiseri ushinzwe Imisifurire; Rurangirwa Aaron na Komiseri ushinzwe Umutungo, Habiyakare Chantal.

Muhire Henley wavuye ku mirimo ye yo kuba Umunyamabanga Mukuru wa FERWAFA

IRAGUHA David wari ushinzwe imari muri FERWAFA