Phoebe Gates umukobwa w'umuherwe Bill Gates uri mu munyenga w'urukundo n'umusore w'umwirabura Robert Ross, bakomeje kugarukwaho cyane ku mbuga nkoranyambaga hibazwa icyo uyu musore amukurikiyeho.
Kuva umwaka wa 2023 watangira, umuryango w'umuherwe wa 5 ku isi, Bill Gates wakunze kugarukwaho cyane ku bijyanye n'ubuzima bwabo bw'urukundo nyuma yaho bimenyekaniye ko uyu muherwe ari mu rukundo n'umugore witwa Paula Hurd nyuma yo gutandukana na Melinda Gates.
Si Bill Gates wavuzwe kubera urukundo ahubwo n'umukobwa we w'umuhererezi Phoebe Gates nawe akomeje kuba igitaramo ku mbuga nkoranyambaga kubera amafoto ye n'umukunzi we Robert Ross akomeje gukwirakwira anakorwamo ''Memes'' (Amafoto bandikaho urwenya hejuru yayo).
Hollwood Unlocked yatangaje ko ku rubuga rwa Twitter na Instagram hakomeje kuhererekanywa amafoto ya Phoebe Gates na Robert Ross aho benshi bari kuvuga ko ntakabuza uyu musore yatsinze igitego kuba akundana n'umukobwa wa Bill Gates.
Ni mu gihe abandi bavuga ko Robert Ross yaterese uyu mukobwa akurikiye amafaranga. Gusa ikiri kugarukwaho kurenza ibindi ni ukuba uyu musore ari umwirabura wabashije kugera mu muryango w'abaherwe, ibintu bidakunze kubaho.
Uretse amafoto yabo bashyira ku mbuga nkoranyambaga, urukundo rwa Phoebe Gates w'imyaka 21 na Robert Ross w'imyaka 26 ntabwo ruzwiho ibintu byinshi cyane uretse kuba barahuriye muri kaminuza bigaho ya Stanford University aho bose biga ibijyanye n'ikoranabuhanga.
Kugeza ubu amafoto yaba bombi akomeje kugarukwaho cyane hibazwa uburyo Robert Ross yakoresheje ngo agere ku mutima wa Phoebe Gates umuhererezi w'umuherwe Bill Gates.
Umukobwa wa Bill Gates uri mu rukundo na Robert Ross akomeje kugarukwaho
Hari uwagize ati: ''Urabona ukuntu uyu musore ari guseka cyane. Ndabyumva muvandimwe''
Phoebe Gates na Robert Ross urukundo rugeze kure
Hari abavuga ko uyu musore yaterese umukobwa wa Bill Gates akurikiye amafaranga
Phoebe Gates ntatinya kwerekana ko yihebeye uyu musore
Aba bombi bahuriye muri kaminuza ya Stanford University aho biga ibijyanye n'ikoranabuhanga
Baherutse kwitabira ibirori bya People's Choice Awards 2023 bari kumwe
Bakunze no kwigaragaza cyane kuri Tik Tok
Akamwenyu kaba ari kose kuri Robert Ross ari kumwe n'umukunzi we
TANGA IGITECYEREZO