RFL
Kigali

Kunanuka bikabije kwa Kylie Jenner byakuye imitima abakunzi be-AMASHUSHO

Yanditswe na: Abitije Seraphin Elise
Taliki:31/03/2023 9:19
0


Ubutumwa Kylie Jenner yasangije abamukurikira bwakiriwe mu buryo butandukanye ariko abenshi bagaragaza ko biteye ubwoba uburyo yananutse bikomeye.



Bamwe mu bamubonye mu mezi macye ashize ubwo yamaraga kwibaruka, biragoye kuba wakwemeza ko ariwe kuko kugeza ubu bamwe bibwira ko haba hari ikibazo kindi afite.

Mu mashusho uyu munyamerikakazi w’icyamamare yashize hanze, bigaragara ko yifuza kongera guha ibyishimo abamukurikira nk'uko ahora abikora binyuze mu mafoto n’amashusho, byarangiye bamwe bakutse umutima.

Agaragara ava mu rugo agiye mu nzu y’imyitozo ngororamubiri muri siporo, ubundi yahagera agatangira kwirukanka abifashijwemo n’imashini zabugenewe.

Ubwo yayashyiraga ku rukuta rwa Tiktok akurikirwaho n'abagera kuri miliyoni 52 nyuma yo gukorerwa na massaje, abantu batangiye kwerekana ko batiyumvisha ko ariwe.

Umwe ati: ”Urananutse cyane.” Undi na we ati:”Nta gitekerezo nari mfite ko yasubiye bwana, asa neza nk’umukobwa w’umwangavu.” Hari n'uwagize ati:”Baba bagirango batwemeza ko bananuwe n'imyitozo ngororamubiri, nyamara si byo.”

Benshi bagaragaje ko ibyo yakoze byose byatumye ananuka birengeje urugero. Yaherukaga kuvuga ko afite ibilo 65, hari nyuma gato yo kubyara umwana wa kabiri ariko uko bigaragara ageze muri 50 na mu gihe gito.

Uretse kuba akurikirwa na benshi ku mbuga nkoranyambaga, afite ubwiza bwo ku mubiri ndetse atunze kuko afite miliyoni 750 z’amadorali ku myaka 25.

Kanda hano urebe amashusho ya Jenner muri gym

Ku myaka itari myinshi ari muri bacye batunze 3/4 bya Tiliyari y'amanyarwanda [Miliyari y'amadorali]

Kuba yarananutse cyane byateye benshi kumwibazaho byinshi 






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND