RFL
Kigali

Hemejwe ihuzwa ry'ingengabihe y'amatora ya Perezida n'ay'Abadepite

Yanditswe na: Ngabonziza Justin
Taliki:25/03/2023 0:30
0


Inama y'Abaminitiri yemeje ko Itegeko Nshinga rivugururwa kugira ngo ingengabihe y'amatora y'Abadepite ihuzwe n'itora ry'Umukuru w'Igihugu.



Inama y'Abaminisitiri yo kuwa Gatanu Tariki ya 24 Werurwe 2023, yari iyobowe na Perezida wa Repubulika Paul Kagame,  yemeje ko Itegeko Nshinga rya Repubulika y'u Rwanda rigomba kuvugururwa kubera guhuza ingengabihe y'amatora y'Abadepite n'aya Perezida wa Repubulika.

Icyifuzo cyo guhuza amatora y'intumwa za Rubanda n'ay'Umukuru w'Igihugu, cyatanzwe na komisiyo y'amatora yagaragaje ko ayo matora ahujwe byagabanya Ingengo y'imari yakoreshwaga mu matora yajyaga aba mu bihe bitandukanye.

Mu kwezi gushize muri Gashyantare 2023, Perezida wa Komisiyo y'Igihugu y'amatora Oda Gasinzigwa ubwo yatorerwaga gusimbura Nyakwigendera Prof Kalisa Mbanda witabye Imana yasize avuze ko  Komisiyo yifuza ko amatora ya Perezida wa Repubulika yahuzwa n'amatora y'abadepite  kugira ngo hagabanywe ingengo y'imari yakoreshwaga mu gutegura amatora.

Kuba hemejwe ko Itegeko Nshinga rivugururwa, bivuze ko amatora y'abadepite atakibaye muri uyu mwaka nk'uko byari biteganyijwe dore ko Abadepite basanzwe bagira manda y'imyaka 5 mu gihe umukuru w'Igihugu agira manda y'imyaka 7.

Ingengabihe y'amatora y'abadepite n'aya Perezida nibimara guhuzwa, manda ya Perezida izahinduka ive ku myaka 7 ihinduke imyaka 5.

Itegeko Nshinga rya Repubulika y'u Rwanda ryatowe n'abaturage muri Kamarampaka muri 2003 rivugururwa mu 2015 kubera ubusabe bw'abaturage basabye ko havugururwa ingingo ya 101.

Inama y'abaminitiri yanemeje ko Rusesabagina, Nsabimana Callixte "Sankara" n'abantu 18 baregwaga hamwe, barekuwe ku bw'imbabazi bahawe n'umukuru w'Igihugu. Harekuwe kandi abandi bantu 358 nabo bahawe imbabazi nabo.






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND