Ahabanza Imikino

Gianni Infantino yongeye gutorerwa kuyobora FIFA

Yanditswe na: ISHIMWE Olivier Ba
Taliki:16/03/2023 11:51 0

Gianni Infantino wari usanzwe ayobora FIFA, yongeye gutorerwa manda ya gatatu izamugeza mu 2027.

Gianni Infantino wari usanzwe ari umuyobozi w'ishyirahamwe ry'umupira w'amaguru ku Isi, FIFA, yari umukandida rukumbi, ari byo byari byitezweko ahangana n'amajwi y'abifata ubundi yabaganza akegukana uyu mwanya.

Gianni Infantino w'imyaka 52, ni ku nshuro ya gatatu atorewe kuyobora FIFA. Yafashe uyu mwanya mu 2016, mu 2019 yongera gutorerwa kuyobora iri shyirahamwe, none no kuri uyu wa Kane atsinze amatora ntawe bahanganye.

Gianni Infantino ufite ubwenegihugu bw'u Butariyani n'u Busuwisi, ni umuperezida wa cyenda uri kuyobora FIFA, akaba yaragiye kuri uyu mwanya asimbuye Issa Hayatou wari umusigire nyuma yo Sepp Blatter wari usanzwe ayobora FIFA yari yegujwe.

Arsene Wenger watoje ikipe ya Arsenal, ari kumwe na Minisitiri wa Siporo Aurore Mimosa Munyangaju, bari mu bashyitsi bakuru muri iyi nama.

Perezida wa FIFA Gianni Infantino, yatangaje ko muri manda ye nshya amaze gutorerwa, agiye gushyiraho uburyo bwa VAR (Uburyo bw'amashusho bwunganira abasifuzi mu gufata ibyemezo) ku bihugu bifite ubushobozi buke hifashishijwe camera nkeya.

Inama ya 73 ya FIFA yateraniye i Kigali kuri uyu wa Kane, yaririmo ingingo nyamukuru y'amatora y'umuyobozi ugomba kongera kuyobora FIFA muri manda y'imyaka 4 iri imbere.

Inama ya FIFA yabareye muri BK Arena akaba ariyo nama ya mbere ibereye muri Afurika irimo amatora ya Perezida wa FIFA.