Bayern Munich yasezereye Paris Saint-Germain muri Champions League ikatisha itike ya 1/4-AMAFOTO

Kuri uyu wa Gatatu saa yine z'ijoro mu Budage habereye umukino wakwa umuriro kugira ngo hamenyekane ikipe ikomeza mu mikino ya 1/4 muri Champions League, warangiye Bayern Munich isezereye Paris Saint-Germain.

Umukino  ubanza wari wabaye tariki 14 z'ukwezi kwa 02 ubera kuri sitade ya Paris Saint-Germain, Parc Des Princes, maze Bayern Munich itsinda igitego 1 gitsinzwe na Kingsley Coman.

Abakinnyi 11 umutoza wa Bayern Munich yabanje mu kibuga: Sommer; Stanisic, Upamecano, De Ligt; Coman, Goretzka, Kimmich, Davies; Müller, Musiala na Choupo-Moting.

Abakinnyi 11 umutoza wa Paris Saint-Germain yabanje mu kibuga: Donnarumma; Danilo Pereira, Ramos, Marquinhos; Hakimi, Vitinha, Verratti, Fabián Ruiz, Nuno Mendes; Messi na Mbappé.

Kylian Mbappé utahiriwe n'urugendo

Uko umukino wagenze umunota ku munota

Iminota 90 y'umukino yarangiye hongerwaho iminota 5 y'inyongera, Bayern Munich yakomeje kwatsa umuriro imbere y'izamu rya Paris Saint-Germain bashaka igitego cya 3 ariko ntibakibona. Bayern Munich yahise isezerera Paris Saint-Germain ku giteranyo cy'ibitego 3-0.

88' Sergio Gnabry yatsinze igitego cya 2 cya Bayern Munich ku mupira yari ahawe na Joao Cancelo wari winjiye mu kibuga asimbuye

86' Upamecano yatabaye Bayern Munich akura umupira ku kirenge cya Kylian Mbappé imbere y'izamu

81' Sergio Ramos yongeye kugira amahirwe macye, ni ku mupira wari uvuye muri koroneri itewe na Lionel Messi ariko ashyizeho umutwe umupira unyura impande y'izamu gato

79' Kylian Mbappé yazonzwe na Upamecano bituma ahindura uruhande

78' Ben Davies yahaye umupira mwiza Leroy Sane ariko yongera kwirangaraho arata ikindi gitego

74' Leroy Sane yashoboraga gutsinda igitego cya 2 ariko ashaka kwirya atera umupira hanze y'izamu

71' Kylian Mbappe na Lionel Messi bagarutse mu kibuga hagati kubera kubura imipira imbere 

68' Bayern Munich yakoze impinduka mu kibuga havamo Choupo-Mouting hinjiramo Leroy Sane 

67' Paris Saint-Germain iri kugerageza gukinira neza mu kibuga hagati bashaka uburyo bw'igitego cyo kwishyura

64' Lionel Messi yateye koroneri nziza maze Sergio Ramos ashyiraho umutwe ariko umuzamu wa Bayern Munich aratabara

61' Choupo-Mouting yatsinze igitego cya 1 cya Bayern Munich ku mupira mwiza yari ahawe na Goretzka

57' Umupira uri gukinirwa mu rubuga rw'amahina rwa Paris Saint-Germain,ba myugariro bari kurwana n'ubuzima bakuraho imipira

51' Musiala yongeye aha umupira mwiza Choupo-Mouting noneho atsinda igitego ariko umusifuzi avuga ko habayemo kurarira

50' Choupo Mounting yarase igitego ku mupira yari ahawe na Musiala ndetse anakuramo igitego ku ishoti nanone ryari ritewe na Jamali Musiala

48' Vitinha yahaye umupira mwiza Kylian Mbappé ariko arekura ishoti rikubita muri ba myugariro ba Bayern Munich

47' Umupira uri gukinirwa mu rubuga rwa Paris Saint-Germain abakinnyi ba Bayern Munich basatira cyane

46' Bayern Munich niyo yatangije umupira mu gice cyakabiri ariko ntibawutindana

Igice cyambere cyarangiye amakipe yombi anganya 0-0

44' Ben Davies yashatse kwandagaza Hakimi ngo yinjire mu rubuga rw'amahina ariko ntibyamuhira

42' Kylian Mbappé yongeye gushaka kwirukankana umupira ariko umuzamu wa Paris Saint-Germain yongera gutabara

37' De Ligt yatabaye Bayern Munich akuriramo umupira ku murongo, ni ku ikosa umuzamu yari yikoreye maze Veratti ahita arekurira ishoti mu izamu

34' Kapiteni wa Paris Saint-Germain Marquinhos yavuye mu kibuga yifata munda ahita asimburwa na Nordi Mukiele, igitambaro cya kapiteni cyahise cyambarwa na Kylian Mbappé

32' Donnarumma ufatira Paris Saint-Germain yatabaye akuramo umupira mubi cyane wari utewe na Jamali Musiala

25' Abakinnyi bakina ku ruhande rw'iburyo rwa Bayern Munich bongeye kugerageza kwirukankana imipira bagana mu rubuga rw'amahina rwa Paris Saint-Germain ariko Sergio Ramos akayikuraho neza 

24' Lionel Messi yarase igitego kidahushwa ku mupira mwiza yari ahawe na Nuno Mendes ariko umuzamu wa Bayern Munich amukura umupira ku kuguru

19' Lionel Messi yahaye umupira mwiza Kylian Mbappé ariko umucikaho gato awutera nabi ntiwajya mu izamu neza 

16' Kimmich ukinira Bayern Munich yari atunguye umuzamu wa Paris Saint-Germain arekura umupira uremereye ariko asanga yiteguye

13' Kylian Mbappe yari yongeye gutungurana ariko akorera ikosa Sommer ufatira Bayern Munich

12' Abakinnyi barimo Jamali Musiala na Thomas Mulla bari bari gukinira mu kibuga hagati bitonze bagendesha umupira gacye

10' Achraf Hakimi arekuye umupira mwiza ari muruhande rw'iburyo ariko unyura hejuru y'izamu gato

7' Abakinnyi ba Paris Saint-Germain bari gukinira mu kibuga hagati bagerageza kwiga uburyo bashakamo igitego

3' Abakinnyi ba Bayern Munich bisubije umupira batangira guhererekanya neza nabo 

2' Kylian Mbappé yirukankanye umupira yinjira mu rubuga rw'amahina rwa Bayern Munich ariko arekuye ishoti umuzamu arifata nta nkomyi

1' Ikipe ya Paris Saint-Germain niyo yatangije umupira igerageza guhererekanya umupira mu kibuga cyayo

Igitego Choupo-Mouting yatsinze

Lionel Messi yari yafashwe cyane mu mukino

Serigio Ramos wageragezaga gutsinda ibitego by'umutwe ariko bikanga burundu

Abakinnyi ba Bayern Munich bishimira igitego

Jamali Musiala witwaye neza cyane mu mukino