Umunyamakuru Ronnie Gwebawaya watangije ikiganiro cy'Iyobokamana kuri Televiziyo Rwanda cyitwa 'RTV Sunday Live, yatunguye umukunzi we Uwicyeza Phiona bamaranye imyaka ine mu rugendo rw’urukundo amwambika impeta ya 'Fiançailles'.
Byabaye ku wa kane w’iki Cyumweru cyarangiye, ariko
Ronnie yasangije abamukurikira iyi nkuru nziza mu ijoro ryo kuri iki Cyumweru
tariki 5 Gashyantare 2023 agaragaza ko yatangiye urugendo rushya n’umukunzi we
Uwicyeza.
Ronnie yabwiye InyaRwanda ko kuwa 28 Gashyantare 2023
imyaka ine izaba ishize ari mu rukundo n’uyu mukobwa yateguje kubana nk’umugabo
n’umugore.
Yavuze ko bwa mbere ahura n’uyu mukobwa bahuriye ku
rusengero Remera Miracle Centre aho asanzwe asengera.
Uyu munyamakuru ukorera TV1 muri iki gihe, avuga ko mu
rwego rwo kwizihiza urukundo rwe n’uyu mukobwa yahisemo kumwambikira impeta mu
Mujyi wa Kampala kuri Onomo Hotel.
Uwicyeza Phiona yifashije 1 Abakorinto 16:14, hagira
hati “Ibyo mukora byose mubikorane urukundo”, yanditse agaragariza abamurikira
ko yamaze kwambikwa impeta y’urukundo n’umukunzi we Ronnie.
Ronnie ukomoka muri Uganda ariko akaba atuye mu Rwanda, ni izina rizwi na benshi mu itangazamakuru ryo mu Rwanda cyane cyane mu gisata cy'Iyobokamana dore ko yacyandikiyemo amateka.
Yatangije ibiganiro
bibiri byakunzwe cyane birimo 'Power of Praise' yahereyeho akigera mu Rwanda,
iki akaba ari ikiganiro cyacaga kuri Royal Tv itagikorera mu Rwanda, ndetse na
'RTV Sunday Live' yatangije kuri Televiziyo Rwanda.
Ibi biganiro byombi byarakunzwe cyane by'umwihariko
RTV Sunday Live yarushijeho kumwubakira izina kimwe n'abandi bakoranaga muri
iki kiganiro ari bo Juliet, Becky Rocsi na Dj Shawn.
Ronnie Gwebawaya yateye ivi yambika impeta y’urukundo umukunzi
we Uwicyeza Phiona
Ronnie yavuze ko ibirori byo kwambika impeta umukunzi
we byabereye muri Uganda
Ronnie yavuze ko ku wa 28 Mata, imyaka ine izaba
ishize ari mu rukundo n’uyu mukobwa
Uwicyeza yifashishije Bibiliya aravuga ati “Ibyo ukora byose ubikorane urukundo’
Uwicyeza yavuze ati “Nabwiye ‘Yego’ urukundo
rw’ubuzima bwanjye’
Ronnie yavuze ko yabwiwe ‘Yego’ n’umukunzi we Uwicyeza
Phiona
TANGA IGITECYEREZO