Inzu y’imideli ya Moshions imaze iminsi itavugwaho rumwe, yatangaje ko yiteguye kwakira no kugurira abakiliya bayo imyambaro bari barayiguzemo ikabikwa, indi ikavugururwa.
Mu itangazo
ryashyizwe hanze mu masaha macye ashize ku mugoroba w'uyu wa Gatatu, inzu y’imideli ya Moshions yagize iti: ”Turimo
turakusanya tunagura imyambaro yose imaze imyaka itatu irenga iguriwe hano
hagamijwe kuyivugurura no kuyibika.”
Bakomeza batangaza uko ibiciro bya buri mwambaro bizaba bihagaze mu kuyigura, ubwabo bati: ”Ishati
ibihumbi 60Frw, ikanzu ibihumbi 45Frw, ikabutura cyangwa ijipo ibihumbi 35 Frw n’ipanaro
ibihumbi 45Frw.”
Basoza bagira
bati:”Muzane imyamabro yose ya Moshions ku muhanda wa 43 KN 16 Ave
mwanahamagara kuri +250788645543 tukarebera hamwe uko yatugeraho.”
Ibi bizakorwa kugera ku itariki ya 26 Mutarama 2023 nk'uko itsinda ry’abahuriye muri Moshions ryabitangaje.
Ibi bije nyuma y'uko uwayishinze akomeje kwamamara mu bikorwa by’uburaya no kwambara ubusa, ibintu hataramenyekana neza imvano yabyo.
Itangazo ryashyizwe hanze n'inzu y'imideli ya Moshions
Ubu wagurisha umwambaro waguze muri Moshions umaranye imyaka 3 kuzamura
Eng
RSS 
TANGA IGITECYEREZO