Umwana witwa Nsabiyumva Athanas yafashwe afite ibiro bitanu by'amabuye y'agaciro yo mu bwoko bwa Coltan. Uwo mwana yafatiwe muri komini Kabarore mu Ntara ya Kayanza mu gihugu cy'u Burundi kuwa Gatanu tariki ya 6 Mutarama 2023.
Uwo mwana yafashwe atwaye amabuye y'agaciro ya coltan yari yambariye ku mubiri hafi y'amayunguyungu, arenzaho imyenda. Bivugwa ko aya mabuye yari agiye kuyagurisha hanze y'Igihugu cye.
Polisi y'u Burundi yemeje ko uwo mwana yafashwe agashyikizwa urwego rushinzwe kugenza ibyaha muri Polisi sitasiyo ya Kabarore.
Inkomoko: La Nova burundi.org