RFL
Kigali

Umukino waruse Politiki- Perezida Biden yatangaje intsinzi y'igihugu cye mu gikombe cy'Isi

Yanditswe na: ISHIMWE Olivier Ba
Taliki:30/11/2022 10:37
0


Leta Zunze Ubumwe za Amerika zatsinze Iran igitego 1-0, mu mukino urenze kubera mu kibuga kuko winjiramo na Politike.



Kuri uyu wa 2 nibwo mu mikino y'igikombe cy'Isi kiri kubera muri Qatar, hasozwaga imikino yo mu itsinda rya mbere n'itsinda rya kabiri. Mu itsinda rya kabiri hari umukino wari utegerejwe na benshi wahuje Iran na Leta Zunze Ubumwe za Amerika. Ni umukino uba wavugishije benshi, bitewe n'uko ibi bihugu bisanzwe bihangana no muri Politike.

Christian Pulisic ukinira Chelsea niwe wafashije Leta Zunze Ubumwe za Amerika kwikura imbere ya Iran ku gitego yatsinze ku munota wa 38, ndetse aza kugongana n'umunyezamu wa Iran agira ikibazo mu matako. Ubwo uyu mukino wari urimo kuba, Perezida wa Leta Zunze Ubumwe za Amerika Joe Biden yari mu muhango ngarukamwaka wo kuzamura ubukungu, wari uri kubera mu mujyi wa Michigan.

Pulisic igitego cye cyafashije Amerika kwishima kuri Iran

Umukino urangiye, umuyobozi wa purotokore (Protocol) ya Perezida Biden yamubwiye ko umukino urangiye ashatse yabibwira abaturage. Perezida yahise afata imbwirwaruhame avuga ko Amerika itsinze Iran byose, umukino urangiye.  Yagize ati" Leta Zunze Ubumwe za Amerika zitsinze Iran igitego 1-0. Amerika kimwe Iran Ubusa umukino urarangiye. Amerika, Amerika, wari umukino ukomeye mwa bantu mwe! Ubwo navuganaga n'umutoza nari namubwiye ko babikora nta kibazo none barabikoze, Imana iradukunda."

Joe Biden ubwo yari mu nama yafashe umwanya abwira abo bari kumwe ko Amerika yatsinze Iran 

Leta Zunze Ubumwe za Amerika nyuma yo gutsinda Iran zahise zibona tike ya 1/8 cy'irangiza, aho bagomba guhura n'u Buhorandi bwabaye ubwa mbere mu itsinda rya mbere, umukino ukazaba kuri uyu wa 6.

Hashize imyaka Iran na Leta Zunze Ubumwe za Amerika ari ibihugu birebana ay’ingwe, ndetse mu 2020 ibintu byaje gusubira irudubi Qasem Soleimani ufatwa nk’intwari muri Iran yiciwe mu gitero cya drones bavuze ko Amerika ibifitemo uruhare.






TANGA IGITECYEREZO

Izina ryawe
Email yawe
Andika igitecyerezo


Safari

Inyarwanda BACKGROUND