BePawa
Kigali

Cristiano Ronaldo yahagaritswe imikino 2 kubera kumena telephone y'umufana

Yanditswe na: ISHIMWE Olivier Ba
Taliki:24/11/2022 11:14
0


Rutahizamu w'ikipe y'igihugu ya Portugal Cristiano Ronaldo uherutse gutandukana na Manchester United, yahagaritse imikino 2 mu Bwongereza, kubera kumena telefone y'umufana.



Cristiano Ronaldo w'imyaka 37 y'amavuko yahamwe n'icyaha cyo guhohotera umufana akamumenera telefone byatumye ahanwa imikino 2 itegurwa n'ishyirahamwe ry'umupira w'amaguru mu Bwongereza. Ibi byabaye ku mukino wahuje ikipe ya Everton yari yakiriye Manchester United muri Mata umwaka ushize.

Kuva icyo gihe Polisi yo mu mujyi wa Marseyside yatangiye iperereza ryarangiye muri Nyakanga tariki 17, bemeza ko Ronaldo yamennye telefone y'umufana washaka gufata ifoto ye. 

Ronaldo ntiyemerewe gukina imikino 2 mu Bwongereza mu gihe yagarukamo

Ronaldo uri mu gikombe cy'Isi aho igihugu cye kiza gukana na Ghana, yaje gusaba imbabazi avuga ko ibyo yakoze yabitewe n'amarangamutima. Ati: "Reka mfate umwanya nsabe imbabazi ku byabaye, ntabwo biba byoroshye guhana n'amarangamutima mu bihe bigoye ndabizi ko dukwiye guhora dutanga urugero ku bantu ndetse n'abana bakiri bato. Ndasaba gutumira uyu mukinnyi ku mukino uzabera kuri sitade yacu nk'ikimenyetso cy'ubwiyunge." 

Ishyirahamwe ry'umupira w'amaguru mu Bwongereza ryatangeje ko Ronaldo yahagaritswe imikino 2 ndetse n'amande y'ibihumbi 500 y'amayero

Nyuma yaho Ronaldo atandukanye na Manchester United bivuze ko ibi bihano ntacyo bikimaze kugera igihe yaramuka yongeye gukina mu gihugu cy'u Bwongereza. 

Ronaldo aherutse gutandukana na Manchester United ubu nta kipe afite






TANGA IGITECYEREZO

Izina ryawe
Email yawe
Andika igitecyerezo


Safari

Inyarwanda BACKGROUND