Harry Maguire yahamagawe mu Bongereza 26 bazakina igikombe cy'Isi, Tammy na Tomori barabura

U Bwongereza bugiye gushakishiriza muri Aziya uko bwakwegukana igikombe cy'isi cya kabiri mu mateka nyuma y'igikombe rukumbi batwaye mu 1966 nabwo mu buryo butavugwaho rumwe kuko abenshi bavuga ko u Bwongereza bwabogamiweho mu mukino wa nyuma batsinze u Budage bw'Uburengerazuba.

Abakinnyi 26 batumwe gushaka iki gikombe kigiye gukinwa ku nshuro ya 20, barimo 25 bakina muri Shampiyona y' u Bwongereza mu gihe umwe gusa, Jude Bellingham wa Borrusui Dortmund ari we wahamagawe akina hanze y'igihugu.

Abakinnyi bahamagawe:

Abanyezamu: Jordan Pickford (Everton), Nick Pope (Newcastle United) na Aaron Ramsdale (Arsenal).

Abugarizi: Tent Alexander-Arnold (Liverpool), Conor Coady (Everton), Eric Dier (Tottenham Hotspur), Harry Maguire (Manchester United), Luke Shaw (Manchester United), John Stones (Manchester City), Keiran Trippier (Newcastle United) Kyle Walker (Manchester City) na Ben White (Arsenal).

Abakina hagati: Jude Bellingham (Borussia Dortmund), Conor Gallagher (Chelsea), Jordan Henderson (Liverpool), Mason Mount (Chelsea), Kalvin Phillips (Manchester City) na Declan Rice (West Ham United).

Ba rutahizamu: Phil Foden (Manchester City), Jack Grealish (Manchester City), Harry Kane (Tottenham Hotspur), James Maddison (Leicester City), Marcus Rashford (Manchester United), Bukayo Saka (Arsenal), Raheem Sterling (Chelsea) na Callum Wilson (Newcastle United).

Abahamagawe mu ikipe y' u Bwongereza

Ntihabaye gutungurana kwinshi mu bahamagawe, uretse nko kuri myugariro Harry Maguire utakibona umwanya wo kubanza mu kibuga muri Manchester United, uwo benshi batekerezaga ko asimbuzwa Fikayo Tomori uhagaze neza muri AC Milan ariko si ko byagenze.

Abandi batahamagawe muri '3 Lions' kandi bari mu bihe byiza, twavuga Jamie Ward Prowse wa Southampton, Tammy Abraham wa AS Roma, Marc Guehi wa Crystal Palace.

U Bwongereza buzatangira imikino y'igikombe cy'isi bukina na Iran ku ya 21 Ugushyingo, aho bari kumwe mu itsinda B kimwe n'ikipe ya Wales ndetse na Leta Zunze Ubumwe za America.