Umusore ukora umwuga w'uburobyi yahembwe kwinjizwa mu gisirikare cya Tanzania, kubera umutima w'ubwitange yagaragaje arokora abari mu ndege iherutse gukora impanuka mu kiyaga cya Victoria.
Jackson Majaliwa, umusore w'imyaka 21 usanzwe ari umurobyi mu kiyaga cya Victoria, yagize uruhare mu bikorwa by'ubutabazi byatumye abantu 24 barokoka mu mpanuka y'indege ya kompani Precision Air yabereye mu kiyaga cya Victoria ku cyumweru saa mbiri n'igice.
Uyu musore yakoze ibikorwa by'ubutabazi, ndetse byatumye akomereka ajyanwa mu bitaro by'intara y'Akagera.
Minisitiri w'Intebe wa Tanzania, Kassim Majaliwa mu ijambo rye yavugiye mu muhango wo gusezera bwa nyuma abantu 19 bapfiriye muri iyo mpanuka, yavuze ko ibikorwa by'ubutabazi byakozwe n'uwo musore bigiye kumuhesha kwinjizwa mu gisirikare, agahabwa imyitozo yo kumwinjiza mu mutwe w'ingabo z'igihugu ushinzwe kuzimya inkongi y'umuriro n'ubutabazi.
Majaliwa Jackson yanahawe ishimwe rya miriyoni y'amashiringi ya Tanzania, nk'ikimenyetso cyo kumushimira umutima w'ubwitange yagize mu gikorwa cy'ubutabazi yakomerekeyemo.
Inkomoko:TBC
Eng
RSS 
TANGA IGITECYEREZO