BePawa
Kigali

Abakinnyi n’amakipe bari gukubita batababarira barushanwa kwesa uduhigo muri Champions League

Yanditswe na: Aloys Niyonyungu
Taliki:7/10/2022 0:47
0


Irushanwa riruta ayandi ku isi rya Champions League rihuza amakipe yabaye aya mbere iwayo ku mugabane w’Iburayi rikaba riri gukinwa ku nshuro ya 67, gusa abakinnyi n’amakipe bakomeje kugenda bakora amateka atarasanzweho muriri rushanwa.



Imikino ya Champions League iri gukinirwa mu matsinda ariko amakipe n’abakinnyi bari gukina mu buryo budasanzwe, bigatuma besa uduhigo tugiye dutandukanye.

1. Ikipe ya Bayern Munich kuri uyu wa kabiri   yatsinze ibitego 5  ku busa ikipe ya Viktoria Plzen,  bituma iyi kipe ihita yuzuza imikino 31 yo mu matsinda itaratsindwa na rimwe. Iyi kipe yo mu Budage mu mikino 31 yo mu matsinda ya Champions League imaze gutsindamo imikino 28, inganyamo itatu. Bayern Munich iheruka gutsindwa muri 2017 itsinzwe na Paris Saint- Germain ibitego bitatu ku busa, icyo gihe umukinnyi wabo ukiri muto uri guca ibintu muri iki gihe witwa Jamali Musiala yari afite imyaka cumi n’ine. Kugeza ubu iyi kipe ifite ibikombe 6 bya Champions League, icyo iheruka gutwara ni icya 2020 itsinze Paris Saint-Germain ku mukino wa nyuma, igitego kimwe ku busa.


 

2. Umukinnyi w’umunya-Argentine witwa Lionel Messi ufite imyaka 35, ubwo ikipe ye ya Paris saint-Germain yanganyaga igitego kimwe kuri kimwe na Benefica niwe watsinze igitego ahita aca agahigo ko kuba amaze gutsinda amakipe 40 muri Champions League, ahita ahigika Cristiano Ronaldo umaze gutsinda amakipe 38, gusa we uyu mwaka ntabwo yitabiriye aya marushanwa ya Champions League. Muri rusange, Lionel Messi amaze gutwara ibikombe bya Champions League 4 nk’umukinnyi.


3. Jude Bellingham, umukinnyi w’umwongereza n’ikipe ya Borussia Dortmund ufite imyaka 19, nyuma y’umukino wahuje ikipe ye ya Borussia Dortmund na Sevilla  bikarangira bayitsinze ibitego bine kuri kimwe harimo n’igitego cy’uyu mukinnyi yatsinze ku munota wa 41, dore ko Bellingham ari nawe wari Kapiteni byahise bimugira umukinnyi wa mbere w’umwongereza ukiri muto ukinnye imikino ya Champions League ari kapiteni, ndetse binamugira umukinnyi wa gatatu ku isi  nyuma ya  Ruben Neves wabikoze afite imyaka 18 akina  muri Porto na Matthijs de Ligt wari ufite imyaka19 yakinaga muri Ajax  2018.



4. Sadio Mane afite imyaka 30 y’amavuko akaba akomoka muri Senegal ndetse akaba ari nayo kipe y’igihugu akinira. Kuri uyu wa kabiri mu mukino ikipe ye ya Bayern Munich yatsindagamo ikipe ya Viktoria Plezen ibitego bitanu ku busa mu mikino ya Champions League, harimo n’igitego cya Sadio Mane ku munota wa 21, bihita bimugira umukinnyi w’umunyafurika wa 4 utsinze ibitego byinshi mu marushanwa ya Champions League kuko kugeza ubu amaze gutsinda ibitego 25. Abamuri imbere ni Didier Drogba ufite ibitego 44, Mohamed Salah ufite ibitego 41 na Samwel Eto’o ufite ibitego 33.



5. Umutaliyani utoza Real Madrid witwa Carlo Ancelotti, ku mukino yatsindagamo Shakhtar Donetsk ibitego bibiri kuri kimwe mu marushanwa ya Champions League yahise aca agahigo ko kuba umutoza watsinze imikino myinshi mu mateka ya champions League, ariko aka gahigo agasangiye n’umunyabigwi wa Manchester United Sir Alex Ferguson. Uyu mutoza muri rusange amaze gutwara ibikombe 4 bya Champions League ari nk’umutoza, harimo n’icyo aheruka gutwarana na Real Madrid.


 

 






TANGA IGITECYEREZO

Izina ryawe
Email yawe
Andika igitecyerezo


Safari

Inyarwanda BACKGROUND