Yashyigikiwe n’abami b’injyana ya Hiphop: Byari ibicika mu imurika rya Album ya Karigombe-AMAFOTO

Iki gitaramo cyabereye i Nyamirambo mu kabyiniro ka Bahaus mu ijoro rishyira tariki 24 Nzeri 2022. Ni igitaramo cyiswe "Ikirombe cya Karigombe Album launch".

Ku isaha ya saa 00:00 ni bwo abahanzi batangiye kwinjira nyuma y'uko itsinda rya Seruka ryari risoje gususurutsa abitabiye imurikwa rya Album ya Karigombe.

Kate Gustave yahawe urubyiniro ku isaha ya 00:26 atangira ashima Karigombe wabashije gutunganya Album ye ya mbere akaba yatumye abantu bahura anashima n’abandi bahanzi bose bemeye kumushyigikira.

Ku isaha ya saa 00:31 ni bwo Karigombe yahawe urubyiniro maze ahita atangira kuririmba indirimbo ze nta gutegwa ari na ko ajyanirana n’abakunzi be bari baje kumushyigikira.

Nyuma yo kuririmba indirimbo ze zirimo Sando

Ku isaha ya 00:44 hakiriwe Riderman winjiriye mu ndirimbo Holo akomereza ku zirimo Inzozi Mbi Zabo, Ntakibazo yahuriyemo na Urbana Boyz na Bruce Melodie, Till I Die nayo yahuriyemo na Urban Boyz.

Uyu muhanzi wibanze ku ndirimbo ze za cyera, yasoje ku isaha ya saa 00:59 ashima abaje gushyigikira bose Karigombe.

Ku isaha ya 01:00 ni bwo Ben Adolphe yahawe umwanya wo kwiyerekana ahera ku ndirimbo yakoranye na Platini P yitwa "Aba Ex" akurikizaho iyo aheruka gushyira hanze yise "Rimwe".

Yahise aboneraho gushima Karigombe avuga ko kugera ku rwego rwo kumurika Album atari urugendo rworoshye.

Ubwo Ben Adolphe yasozaga, Anita Pendo yahawe umwanya ahagana ku isaha ya saa 01:10, anyura abantu.

Saa 01:15 ni bwo Yvanny Mpano yahawe umwanya yinjirira mu ndirimbo ye yanditse amateka yitwa Ndabigukundira akurikizaho iyitwa Amateka yafashijwemo n’inkumi yamubyinishije karahava.

Bitunguranye, Racine na we yitabiriye igitaramo cya Karigombe anahabwa umwanya wo kwivuga nk’umuraperi.

Ku isaha ya saa 01:30 ubwo abashyushyarugamba bajyaga kwakira Bull Dogg, babanje gushyira amavi hasi, bavuga ko akwiye icyubahiro.

Afatanije ijambo ku rindi n’abakunzi be, baririmbanye indirimbo zirimo Kaza Roho, Ayo arya ni ayanjye yishimiwe n’abantu bagacinya karahava.

Bull Dogg yaririmbye kandi indirimbo zirimo imfubyi, Mood n'iyo yakoranye na Tom Close yitwa ‘Igikomere’.

Nyuma yafashe umwanya avuga ukuntu yahuye na Karigombe akamubonamo impano akamufasha atamugoye kuko yamubonagamo kuzagera kure.

Saa 01:57 ubwo Bull Dogg yavaga ku rubyiniro, Karigombe yafashe umwanya wo gushimira abamushigikiye bose ati: ”Ndashimira buri muntu wese waje kunshyigikira kandi nkabiseguraho kuba Fireman atabashije kuboneka [yagize] ikibazo cy’uburwayi.”

Yahise yongera gutaramira abantu mu buryo bwagutse kurusha mbere, yibanda ku ndirimbo ziri kuri Album ye "Ikirombe" cya Karigombe.

Saa 02:05 ni bwo igitaramo cyo kumurika Album ya Karigombe cyashyizweho akadomo.

Karigombe yamuritse Album ye ya mbereRiderman yifatanije na Karigombe mu imurikwa rya Album yeBen Adolphe yashimye ubutwari bwa KarigombeAnita Pendo ari mu bashyushyarugamba bayoboye igitaramo cyo kumurika Album ya KarigombeYvanny Mpano yifatanije na KarigombeRacine yatunguye KarigombeBull Dogg yavuze ko yabonye impano ya Karigombe bahura bwa mbere amushimira umuhate Karigombe yashimye abaje kumushyigikira boseIbyishimo byari byose ku bari mu kabyiniro ka Bahaus bari baje gukurikirana imurikwa rya Album ya KarigombeKate Gustave ni umwe mu bashyushyurugamba bayoboye igitaramo cya Karigombe

AMAFOTO-NDAYISHIMIYE NATHANAEL-INYARWANDA.COM