Cricket: Ikipe y'igihugu y'abatarengeje imyaka 19 yegukanye igikombe cy'Afurika inabona itike y'igikombe cy'Isi

Mu mikino ya ICC U19 Women's T20 World cup Africa Qualifier 2022 imaze icyumweru ibera mu gihugu cya Botswana, u Rwanda rwageze ku mukino wa nyuma rutsinze Tanzania kuri Wickets 6.

Muri uyu mukino Tanzania ni yo yatsinze Tanzania, maze bahitamo gutangira bakubita udupira ibizwi nka Batting igice cya mbere bashyiramo amanota 84 muri Overs 18, abakinnyi bose ba Tanzania bakaba basohowe n'u Rwanda ibizwi nka 'All out Wickets'.

Amateka ariyanditse ni ubwa mbere u Rwanda rwitabiriye imikino y'igikombe cy'Isi cya Cricket 

Ikipe y’igihugu yu Rwanda yatangiye igice cya kabiri isabwa amanota 85 gusa ngo ibe yegukanye igikombe.  Abakobwa b'u Rwanda bagaragaje ubuhanga bwo ku rwego rwo ruhejuru muri uyu mukino, bituma u Rwanda rushyizeho amanota 86 muri Overs 15 n’udupira 4, Tanzania yari yasohoye abakinnyi 4 b'u Rwanda. Ku mukino wo gushaka umwanya wa gatatu, Namibia yatsinze Uganda ku kinyuranyo cya Weeckets 4.

Ibihugu bizitabira imikino y'igikombe cy'Isi kizabera muri Afurika Y'Epfo:

Afurika y'Epfo izakira, Australia, Bangladesh, England, India, Indonesia, Ireland, New Zealand, Pakistan, Rwanda, Scotland Sri Lanka, UAE, USA, West Indies, na Zimbabwe.

Imikino y'igikombe cy'Isi izabera muri Afurika y'Epfo umwaka utaha