Umuryango w'ababikira ba Yezu Umukiza mu gihugu cya Nigeria, uyu munsi wasohoye itangazo rimenyesha ko bagenzi babo bane ku Cyumweru tariki ya 21 Kamena 2022 bashimuswe n'abantu bataramenyekana, ubwo bajyaga mu gitambo cya Misa.
Igikorwa cyo gushimuta ababikira bo mu muryango wa Yezu Umukiza cyabaye ku Cyumweru tariki ya 21 Kamena 2022 mu ntara ya Imo, mu karere ka Okigwe -Umulolo ubwo ababikira bari bagiye mu gitambo cya Misa, kugeza ubu ntiharamenyekana abashimuse abo Bihayimana.
Ababikira ba Yezu Umukiza mu itangazo ryabo bagaragaje akababaro batewe no kuburira irengero bagenzi babo, basaba ko barekurwa umutekano wabo udahungabanyijwe.
Banditse ku mbuga nkoranyambaga zabo bati " Dusabye kudufasha gusenga amasengesho akomeye, kugira ngo ubuzima bwabo budahungabana kandi barekurwe mu maguru mashya."
Aba babikira bavuga ko mu muryango wabo biyemeje gufasha abakene, kwiyegurira Imana (kudashaka abagabo) no kubaha."
Ivomo: Catholicnews world.com
Eng
RSS 
TANGA IGITECYEREZO