Umukobwa witwa Mugabekazi Liliane wamenyekanye ku mbuga nkoranyambaga biturutse ku myambarire yaserukanye mu gitaramo cya Tay C, yagejejwe imbere y'urukiko asabirwa gufungwa iminsi 30 y'agateganyo.
Kuwa 30 Nyakanga 2022, nibwo Umuhanzi w'Umufaransa Julie Bouadjie uzwi nka Tay C yataramiye i Kigali muri BK Arena, mu gitaramo cyitabiriwe n'abasaga 9000 biganjemo urubyiruko.
Mugabekazi Iiliane w'imyaka 24 y'amavuko, ni umwe mu bitabiriye iki gitaramo ariko yabaye umwihariko ndetse agarukwaho na benshi ku mbuga nkoranyambaga, kubera imyambarire idasanzwe yamuranze.
Benshi bahurizaga ku kuba yambaye imyenda ihabanye n'ibyo umuco nyarwanda wemera ko umwari akwiye kwambara akikwiza, mu gihe abandi bavuga ko imyambarire ari uburenganzira bw'umuntu.
Mugabekazi
Nyuma y'aho, Urwego rw'igihugu rw'ubugenzacyaha (RIB) rwatangiye gukora iperereza kuri uyu mukobwa ndetse atumizwaho ngo abazwe, mbere y'uko Dosiye ye ishyikirizwa ubushinjacyaha.
Kuri uyu wa Kane, uyu Mugabekazi Liliane yagejejwe imbere y'abacamanza mu rukiko rw'ibanze rwa Kicukiro, aregwa n'ubushinjacyaha gukorera ibiteye isoni mu ruhame, bunamusabira gufungwa iminsi 30 y'agateganyo.
Nyuma y'ubusabe bw'ubushinjacyaha, umunyamategeko wunganira Mugabekazi yasabye ko urukiko ruburanishiriza urubanza mu muhezo, bigenda uko.
InyaRwanda iracyakurikirana ibindi kuri iyi nkuru.
Eng
RSS 
TANGA IGITECYEREZO