BePawa
Kigali

Manchester United 0-4 Brentford: Hahindutse icupa inzoga iracyari ya yindi

Yanditswe na: ISHIMWE Olivier Ba
Taliki:13/08/2022 21:10
0


Manchester United itsinzwe na Brentford ibitego 4-0 ihita ijya ku mwanya wa nyuma wa shampiyona y'u Bwongereza.



Manchester United itsinzwe umukino wa kabiri wa Shampiyona nyuma yo gutsindwa na Brighton & Hove Albion F.C. ibitego 2-1 mu mukino ufungura wa shampiyona. 

Kuri uyu munsi Manchester United yari yasuye Brentford ishaka kugaruka mu murongo w'intsinzi dore ko iyi kipe yari yitwaye neza mu mikino ya gicuti.

Dasilva rutahizamu wa Brentford ntabwo yahaye agahenge Manchester United kuko ku munota wa 10 gusa yahise afungura amazamu. Ku munota wa 18 Jensen yatsinze igitego cya kabiri ndetse ibintu bikomeza kuba bibi imbere ya Manchester United.

Ku munota wa 30 Mee yatsinze igitego cya 3 mu gihe Manchester United ikitekerezaho Mbeumo yabatsinze igitego ku munota wa 36 ndetse igice cya mbere kirangira ari ibitego 4 ku busa bwa Manchester United.

Mu gice cya kabiri Manchester United yakoze impinduka ishyiramo Malacia, Raphael Varane na Scott McTominay.

Manchester United yakomeje gushaka ibitego ariko biranga umukino urinda urangira bikiri ibitego 4-0 bwa Manchester United. 

Manchester United yongeye gutangira nabi Shampiyona ndetse no kugaragara icyizere gike nk'uko mu myaka ibanza byagenze.

Manchester United itsinzwe umukino wa 7 wikurikiranya muri shampiyona mu mikino yakiniye hanze.

Nyuma yo gutsindwa uyu mukino, Manchester United ubu iraye ku mwanya wa nyuma n'ubusa bw'amanota ikaba ifite umwenda w'ibitego 5.


Manchester United igisubizo gikomeje kubura






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND