Leandro Lo umukinnyi ukomeye wa Jiu-Jistu yapfuye arashwe mu mutwe ubwo yari mu kabyiniro

Leandro Lo w'imyaka 33 yari mu kabyiniro ubwo yaraswaga n'umu polisi utakiri mu kazi, Lo yaje kujyanwa ku bitaro aho byatangajwe nyuma y'amasaha macye ko yapfuye. Yari umwe mu bakinnyi bitwaye neza ba Jiu-Jitsu mu bihe byose, ndetse yanatwaye shampiyona y'isi inshuro umunani.

Raporo Polisi yahaye ibitangazamakuru byo muri iki gihugu ivugako Lo, amazina ye yose ari Leandro Lo Pereira do Nascimento, akaba yarashwe n'umupolisi utarikiri mu kazi, ubwo yari yasohokanye n'inshuti ze mu kabyiniro ka Clube Sirio, kari mu Majyepfo ya Sao Paulo.

Leandro Lo umukinnyi wa Jiu-Juste yishwe arashwe mu mutwe ubwo yarari mu kabyiniro 

Leandro Lo yatwaye shampiyona umunani mu mukino wa Jiu-Jistu

Inshuti ya Lo bari kumwe yatangarije ikinyamakuru cyo muri Brezile ko uyu mu polisi yegereye ameza yabo, atangira gukora ibikorwa by'iterabwoba ajomba icupa ry'ikirahure ku meza, Lo yamukubise hasi ariko mu buryo busa no 'kumuturisha', ariko amaze kumurekura uyu mugabo yahise arasa Lo mu mutwe.

Umwunganizi mu muryango wa Lo, Ivan Siqueira Junior yavuzeko Lo n'inshuti ze bageragezaga kurwanya ko ibi bikorwa by'uyu mu polisi byakomera, Siqueira yakomeje avugako uyu mugabo yakubise Lo imigeri ibiri ubwo yararyamye hasi amaze kuraswa isasu mu mutwe, yihutishijwe kwa muganga arinaho yapfiriye, umuryango we utangaza ko uko yarameze kubaho bitashobokaga.

Ihuriro mpuzahamahanga ry'umukino wa Jiu-Jitsu ryo muri Brezile ryamwise " umwe mu bakinnyi bakomeye umukino wabo wigeze ugira" , " urugero rwiza rw'umuntu ufite umukandara w'umukara akaba umuhanzi ndetse n'umutsinzi wi'bihe byose", ibi bakaba babyanditse ku rubuga rwabo rwa Twitter.

Leandro Lo ubwo yari mu marushanwa muri Abu Dhabi muri 2014

Leadro Lo yavutse kw'itariki ya 11 Gicurasi 1989, akaba yari umukinnyi ukomeye wa Jiu-Jistu. Uyu mukino watangiriye muri Brezile, ukaba ukinwa mu buhanga bwo kurwanira ku butaka no kubitanga, aho abakina umwe aba agomba kugeza undi hasi akamugenzura ndetse akanamuganza.   

Source: BBC