Diamond Platnumz n’umuhanzikazi ubarizwa muri Label ye Zuchu bongeye kwiharira inkuru nyamukuru nyuma y'uko bagaragaje imibyinire idasanzwe mu birori byo kumva indirimbo nshya za Zuchu mu buryo bwihariye.
Zuchu yateguye ibirori byumviwemo indirimbo nshya ze zirimo Jaron
na Fire byabereye mu rugo iwe bisiga inkuru zitangaje hagati ye na Diamond
kubera imibyinire idasanzwe bagaragaje.
Aba bombi bagaragaye babyinana umubiri ku wundi ibintu byateye benshi kwibaza niba koko baba bari mu rukundo nk'uko byakomeje kugenda bivugwa. Nubwo batajya babyemeza ariko imyitwarire yabo ituma benshi bakomeza guhamya ko haba harimo akantu.
Diamond inshuro zitari nkeya yemeje ko umubano we na Zuchu
ari uw’umukozi n’umukoresha nta kindi kiri hagati yabo.
Muri 2022 Zuchu yahaye Diamond impano y’inkweto zo mu bwoko bwa Sneakers zihagaze ibihumbi 623Frw zisa umweru. Izi nkweto Zuchu akaba yaraziguriye mu gihugu cya Cote d’Ivoire aho yari yakoreye igitaramo. Diamond nawe yigeze guha Zuchu imodoka nshya.
Aba bombi kandi baherutse kugaragara basomana byimbitse mu
ndirimbo nshya baheruka guhuriramo bise ‘Mtasubiri’.
Mu mwaka wa 2020 ni bwo Zuchu yinjiye muri label y’umuziki ya
Wasafi kuva icyo gihe yatangiye kwigarurira imitima ya benshi ndetse kuri ubu
ari mu bahanzikazi bacye muri Africa bakomeje guca ibintu.
Amashusho ya Diamond Platnumz abyinana umubiri ku wundi na Zuchu
Hakomeje kuvugwa ko aba bombi bari mu rukundo ariko ntibajya babyemeza
Indirimbo baheruka gukorana bagaragaye basomana byimbitse
Zuchu ari mu bahanzikazi bahagaze neza ku mugabane wa Africa
TANGA IGITECYEREZO