Kigali

"Imyiteguro tuyigeze kuri 80%" - Prosper Nkomezi uri kubarizwa muri Kenya yateguje igitaramo kizarangwa n'ibihe bidasanzwe

Yanditswe na: Mupende Gedeon Ndayishimiye
Taliki:11/05/2022 17:05
0


Umuramyi Prosper Nkomezi agiye gukorera igitaramo gikomeye muri Kenya kuri iki Cyumweru tariki 15/05/2022, ndetse kugeza ubu aravuga ko imyiteguro igeze kuri 80%. Yateguje abatuye muri Kenya kutazacikwa n'iki gitaramo, ababwira ko kizarangwa n'ibihe bidasanzwe mu kuramya Imana.



Ni igitaramo yise "Prosper Nkomezi Live Concert in Nairobi" kizaba mu mpera z'iki Cyumweru, kibere mu rusengero rwitwa Calvary Covenant Center. Iki gitaramo cyo muri Kenya, kije gikurikira ibindi bitatu yakoreye i Burundi kuwa 6, 7 & 14 Mutarama 2022 byabereye muri Jesus Grace Church, Life Centre Church na Shemeza Worship Temple iyoborwa na Apotre Apollinaire.

Muri iki gitaramo agiye gukorera i Nairobi, Prosper Nkomezi azaba ari kumwe n'abahanzi batandukanye barimo Liliane Kabaganza, Adonis Muco, Gisubizo Ministries Nairobi n'abandi. Kwinjira ni ukwishyura 300KSH mu myanya isanzwe, 500KSH muri VIP na 1000KSH muri VVIP. Saa Cyenda n'igice ni bwo iki gitaramo kizaba gitangiye.

Prosper Nkomezi yageze muri Kenya kuwa Kane tariki 05/05/2022. Yabwiye InyaRwanda.com ko imyiteguro igeze kure. Ati: "Imyiteguro tuyigeze kure nko kuri 80 ku ijana. Turiteguye bihagije na Band. Kuwa Gatanu turashyiraho akadomo ku bijyanye na Band. Indi myiteguro yose imeze neza kandi dukomeje kubisengera ngo bizagende neza. Abatuye i Nairobi ndabasaba kutazabura mu gitaramo, hazaba hari ibihe bidasanzwe 'na wakenya wote tuawaalika tutafurahi kuaona kwa concert".

Uyu muramyi ukunzwe bikomeye mu Rwanda n'ahandi mu ndirimbo zirimo "Sinzahwema", "Ibasha Gukora" na "Urarinzwe", yabwiye abanyakenya ko mu kwizera kwe imitima ya benshi izahembuka. Aragira ati "Icyo asaba abakunzi ba Gospel baba muri Kenya, ati "Nta kindi kidasanzwe mbazaniye uretse gutaramana nabo tukanezeranwa kuri uwo mugoroba udasanzwe twizeye ko imitima ya benshi izahahembukira". Yavuze kandi ko afite itsinda rizamufasha kubona amafoto n'amashusho by'uko igitaramo kiri kugenda. Iri tsinda rigaragaramo umugabo munini cyane.

Prosper Nkomezi ni izina rikomeye mu muziki wa Gospel mu Rwanda, akaba ari umusore wishimirwa cyane mu bitaramo aririmbamo yaba ibye bwite ndetse n'ibyo atumirwamo. Impano ye yamuritswe bwa mbere mu gitaramo 'Bishop' Aimé Uwimana yakoze mu mpera za 2018 tariki 14 Ukwakira, kuva ubwo agenda agwiza igikundiro kugeza n'uyu munsi. Mu gitaramo yahuriyemo na Israel Mbonyi na Serge Iyamuremye cyabereye muri UR Huye tariki 02/02/2020, Prosper Nkomezi yakuriwe ingofero n'intiti z'i Huye.


Nkomezi arataramira mui Kenya kuri iki Cyumweru


Prosper ubwo yari ageze i Nairobi

Prosper Nkomezi azaba ari kumwe n'abarimo Liliane Kabaganza


Prosper Nkomezi yatangaje ko ibijyanye na 'Live Updates' byamaze gukemuka kuko yibitseho gafotozi ukomeye








TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND