Kuri iki cyumweru tariki ya 1 Gicurasi Umunyarwandakazi ukina umukino wa Cricket ndetse akaba ari na akapiteni w’ikipe y’igihugu y’Abagore muri uyu mukino, Ishimwe Herniette arahaguruka mu Rwanda yerekeza muri Leta zunze ubumwe z’Abarabu i Dubai mu irushanwa rigiye kuhabera.
Uyu
mukinnyi azaba agiye kwitabira irushanwa ryiswe ‘Fairbreak Global Invitational
2022’ bakazakina ibizwi nka T20 mu irushanwa rizatangira tariki ya 1 kugeza 15
Gicurasi 2022.
Henriette
Ishimwe akaba agiye gukinira ikipe yitwa ‘The Barmy Army Team ‘
Biteganyijwe
ko uyu mukinnyi ngenderwaho mu ikipe y’igihugu y’u Rwanda ya Cricket mu bagore,
unasanzwe ayibereye kapiteni wungirije, azaba ari kumwe na bamwe mu bakinnyi
bakomeye muri uyu mukino ku Isi nka Heather Knight usanzwe ari kapiteni w’ikipe
y’igihugu y’u Bwongereza, Laura Wolvaardt ukomoka muri Afurika y’Epfo, Deandra
Dottin ukinira West Indies, Fatima Sana ukomoka muri Pakistan, Rumana Ahmed ukomoka
muri Bangladesh, Tara Norris ukomoka muri Amerika, Roberta Avery ukomoka muri
Brazil, Rubina Chhetry ukomoka muri Nepal, Laura Cardoso ukomoka muri Brazil, Ruchi
Venkatesh na Iqra Sahar bakomoka muri Hong Kong, na Selina Solman ukomoka muri
Vanuatu.
Henriette
Ishimwe akaba yemeza ko aya mahirwe abonye yo gukinana n’ibi bihangange
biturutse hirya no hino ku Isi bizamwongerera ubumenyi kurushaho.
Ishimwe Henriette agiye gukinana n'ibihangange muri Cricket i Dubai
Henriette yizeye kuzakura ubumenyi buhambaye kuri ibi bihangange
TANGA IGITECYEREZO