BePawa
ATHF
Kigali

Umufaransa wamamaye muri Karate Christophe Pinna yunamiye inzirakarengane ziruhukiye mu rwibutso rwa Kigali

Yanditswe na: SAFARI Garcon
Taliki:25/04/2022 16:27
0


Umunyabigwi ku Isi mu mukino wa Karate, Christophe Pinna ukomoka mu gihugu cy’u Bufaransa, yasuye urwibutso rwa jenoside yakorewe Abatutsi mu 1994 ruherereye ku Gisozi, ashyira indabo ku mva ndetse yunamira inzirakarengane ziruhukiye muri uru rwibutso.



Christophe Pinna ari mu Rwanda aho yitabiriye amahugurwa y’umukino wa karate ‘International Kumite Technical Seminar’ yatangiye kuri uyu wa mbere tariki ya 25 Mata akazasozwa tariki ya 30 Mata uyu mwaka.

Uyu mugabo w'imyaka 54 y'amavuko wegukanye imidali itandukanye ku mugabane w’iburayi mu mukino wa Karate, yasobanuriwe amateka yagejeje u Rwanda kuri Jenoside yakorewe Abatutsi n’ubukana yakoranywe.

Nyuma Christophe yazengurutse urwibutso rwa Jenoside rwa Kigali, yunamira ndetse anashyira indabo ku mva ishyinguyemo imibiri y’abazize Jenoside yakorewe Abatutsi mu 1994.

Christophe yashyize indabo ku mva, yunamira inzirakarengane ziruhukiye mu rwibutso rwa jenoside yakorewe Abatutsi mu 1994 rwa Kigali ruherereye ku Gisozi

Uyu munyabigwi muri karate yasobanuriwe amateka yagejeje u Rwanda kuri Jenoside n'ubukana yakoranywe





TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND