Cyusa Ibrahim n’umukunzi we yahimbiye indirimbo bahuriye i Burayi-AMAFOTO

Mu gitondo cyo kuri uyu wa Gatanu tariki 22 Mata 2022, nibwo Cyusa yageze mu Bubiligi, kimwe mu bihugu bibarizwa i Burayi aho yagiye gukorera ibitaramo.

Uretse gukora ibitaramo, anafite gahunda yo kuhakorera amashusho y’indirimbo yahimbiye umukunzi we Jeanine Noach bamaze igihe bari mu munyenga w’urukundo.

Ubwo ku wa 27 Gashyantare 2022, Jeaninne yizihizaga isabukuru y’amavuko, Cyusa yamuhaye impano zirimo n’indirimbo yamuhimbiye.

Icyo gihe, uyu muhanzi yabwiye INYARWANDA ko impano iruta izindi yahaye umukunzi we ari indirimbo yise ‘Uwanjye’ yamuhimbiye. Ati “Twahuriye i Dubai kubera ko we yari ari mu Bubiligi "Duhura yakunze indirimbo naririmbye yitwa ‘Uwari uwanjye’."

"Ntabwo nari kujya kumwita uwari uwanjye kandi mufite. Mpita mwita uwanjye rero. Iyo ndirimbo yitwa ‘Uwanjye’."

Yavuze ko atagiye guhita asohora iyi ndirimbo, ariko ko agiye gutangira gufata amashusho yayo kandi ko Jeanine azayigaragaramo ‘kuko ni we ndirimba’.

Cyusa aherutse gutomora umukunzi we agira ati “Impuha nizijure mundeke mvuge imvaho. Wowe nseko y’umusereko ukaba inyamibwa mu ngenzi; amenyo nk’ingwa yera; imico myiza ikuranga yavugwa n’abakuzi ingingo. Uw’imbabazi wa cyusa Jeanine Noach." 

Urukumbuzi rwari rwose hagati y'aba bombi bamaze igihe gito bavugwa mu rukundo

Cyusa aherutse gutangaza ko umukunzi we Jeanine yamuhimbiye indirimbo y'urukundo    

Ubuzima buraryoshye kwa Cyusa na Jeanine, Nyirasenge wa Miss Nishimwe Naomie 

Cyusa yanditse kuri konti ye ya Instagram agira ati "Ikibasumba." 

Jeanine akunze gukoresha emoji mu kumvikana no kugaragaza icyanga cy'urukundo ahabwa na Cyusa