Umusore witwa Alinwa Kingsley yifashishije imbuga nkoranyambaga, yasabye ubufasha abamukurikira nyuma y’uko hari umukobwa umaze igihe ajya gusenga yitwaje ifoto ye mu rwego rwo gusengera icyifuzo cye cyo kubana n’uyu musore.
Alinwa Kingsley utuye mu gihugu cya Nigeria mu butumwa
yashyize ku rubuga rwa Twitter yatangaje ko uyu mukobwa hashize igihe kitari
gito ajya mu rusengero yitwaje ifoto ye.
Ubu butumwa uyu musore yabuherekesheje ifoto y’uyu
mukobwa imugaragaza ari mu rusengero hamwe n’abandi bakirisitu bari baje
gusenga ndetse afite n’ifoto ye mu ntoki.
Uyu musore yakomeje avuga ko impamvu acyeka yatumye
uyu mukobwa afata iki cyemezo cyo kujya yitwaza ifoto ye mu rusengero uko agiye
gusenga aruko yigeze kumwizeza ko bazashyingiranwa mu bihe bya Pasika.
Kingsley yagize ati: “Ndabinginze mumfashe mubwire uyu
mukobwa ahagarike kujya mu rusengero atwaye ifoto yanjye ayishyiriye pasiteri
ngo ansengere kugira ngo nshyingiranwe nawe kubera ko kubwo kwibeshya namubwiye ko
tuzashyingiranwa kuri Pasika.”
Mu bitekerezo bitandukanye byatanzwe kuri iyi nkuru, abakoresha
urubuga rwa Twitter babwiraga uyu musore ko kuba yarasezeranyije uyu mukobwa ko
bazabana amubeshya atari byiza.
Eng
RSS 
TANGA IGITECYEREZO