Jennifer Girukwishaka kuri ubu uri mu banyamideli b'abanyarwanda bari mu Bufaransa aho yerecyeje mu minsi micye ishize yitabiriye Paris Fashion Week (Haute Couture). Yasohotse mu kinyamakuru gikomeye mu mideli cya BritishVogue cyo mu Bwongereza cyatangiye gukora mu mwaka wa 1916 buvuze ko kimaze imyaka ikabakaba 106.
Umwe mu bantu ba hafi b’uyu munyamidelikazi yatangarije INYARWANDA ko amafoto yasohotse muri iki kinyamakuru yafashwe ubwo Jennifer yaherukaga mu Bufaransa mu kuboza 2021. Yongeraho ko Jennifer yishimiye cyane aka gahigo.
Uretse gusohoka muri iki kinyamakuru ifoto ye yanashyizwe ku mbuga nkoranyambaga
z'iki kinyamakuru zirimo na Instagram ikurikirwa n’abarenga miliyoni 5.9. Mu mwaka ushize kandi nabwo uyu mukobwa ari mu banyamideli
bari bitwaye neza banaje mu 10 ba mbere muri 92 basohotse nyuma ya Paris Fashion
Week y’umwaka ushize.
Jennifer Girukwishaka yaciye agahigo asohoka mu kinyamakuru cy'Abongereza cya Britishvogue kiri mu bikomeye mu mideli ku isi
Jennifer ni umwe mu banyamideli bakiri bato kandi bakomeye by'umwihariko mu Rwanda no Burundi
Britishvogue ikurikirwa naza na miliyoni ku mbuga nkoranyambaga yashizeho n'ifoto ya Jennifer Girukwishaka
Konti ya Instagram ya Jennifer Girukwishaka