Ahabanza Imikino

Myugariro wa Manchester United yahagaritswe amezi 6 adatwara imodoka

Yanditswe na: ISHIMWE Olivier Ba
Taliki:21/12/2021 11:03 0

Myugariro wa Manchester United Aaron Wan Bissaka yahanishijwe kumara ameze 6 adatwara imodoka, nyuma yo gufatwa nta byangombwa byuzuye byo gutwara afite.

Tariki 23 Kamena nibwo Police yafashe Aaron Wan Bissaka atwaye imodoka nta byangombwa afite ndetse n'imodoka idafite ubwishingizi, byaje gutuma afatirwa ibihano byo kumara amezi atandatu adatwara imodoka ndetse agatanga amande angana n'ibihumbi 300 by'amayero. N'ubwo iki cyaha kimaze igihe kibaye, Bissaka yari yarahawe umwanya uhagije wo kwitegura ariko birangira ngo ibisobanuro yahaye urukiko rwo muri Bradford bidahawe agaciro ariyo mpamvu uyu musore yahanwe.

Ku munsi w’ejo, nibwo urukiko ruherereye mu gace ka Leeds rwakusanyije imyanzuro yasohotse muri iki gitondo, rwemeza ko uyu musore w'imyaka 24 agomba kumara amezi 6 adatwara imodoka, ndetse agatanga n’ihazabu y'ibihumbi 300 by'amayero.

Aaron Wan Bissaka yageze muri Manchester United mu 2019, akaba amaze kuyikinira imikino 82 ayitsindira ibitego 2. Uyu musore kandi afite amamuko muri Congo kuko yigeze kuyikinira mu batarengeje imyaka 20 gusa, nyuma biza kurangira yifuje gukinira Ubwongereza n'ubwo bitarakunda.