Ahabanza Imyidagaduro

Rwanda Influencer Awards: Pamela Mudakikwa, Sam Karenzi na Seburikoko bayoboye abandi mu matora

Yanditswe na: Janvier Iyamuremye
Taliki:6/12/2021 16:45 0

Harabura iminsi micye hagatangwa ibihembo byiswe Rwanda Influencer Awards 2021 bizahabwa ibyamamare 50 mu ngeri zinyuranye.

Kuva ku wa 18 Ugushyingo 2021, abahatanye bari guhatana mu cyiciro cy’amatora gifite amajwi 60% azarangira mbere y’amasaha macye ngo ibihembo bitangwe. Akanama Nkemurampaka kagafite amajwi 40%.

Rwanda Influencer Awards ni byo bihembo rukumbi bizaba bigaragaramo ibyamamare mu ngeri zitandukanye mu Rwanda, aho izatangwa ku wa 18 Ukuboza 2021.

Mu gihe habura iminsi 12 ngo ibi bihembo bitangwa hari abayoboye abandi bamaze gutorwa cyane kurusha abandi.

Mudakikwa Pamela ayoboye abandi mu matora yo kuri Twitter hayibiye Pamela. Umunyamideli Shaddyboo arayoboye kuri Instagram.

Umunyamakuru Sam Karenzi ni we uri imbere mu matora mu banyamakuru bo kuri Radio. Egidie Bibio afite amanota menshi mu banyamakuru bo kuri Televiziyo.

Niyitegeka Gratien [Seburikoko] ni uwe uri imbere mu banyarwenya. Butera Knowless ayoboye mu cyiciro cy’abahanzi. Rose Nishimwe afite amanota menshi mu bategura ibiganiro.

Nishimwe Naomie wabaye Miss Rwanda ari imbere mu majwi mu gace k’ubwiza. Joyce ayoboye mu gace k’imideli.

Ibi bihembo bizahuriza hamwe ibyamamare mu gukoresha imbuga nkoranyambaga (Social media influencers), ibyamamare mu itangazamakuru (Journalist influencers), ibyamamare mu muziki, sinema, mu gutegura ibiganiro, mu myambarire ndetse no mu bwiza.

Mu Rwanda hagiye hagaragara ibihembo mu muziki, sinema n’ibindi ariko ni bwo hagiye gutangwa ibihembo bigaragaramo abantu bo muri ibyo byiciro icyarimwe.

Ibyiciro bihatanye muri Rwanda Influencer Awards 2021:

1. Ibyamamare mu gukoresha imbuga nkoranyambaga [Social media influencers]

Mbabazi Shadia (Shaddyboo), Bugingo Bonny (Junior Giti), Rukundo Patrick (Patycope), Uwase Claudine Muyango, Kubwimana Dominique, Pamela Mudakikwa, Richard Kwizera na Ishimwe Claude.

2. Ibyamamare mu itangazamakuru [Journalist influencers]

Luckman Nzeyimana, Angelbert Mutabaruka, Anita Pendo, Phill Peter na Ingabire Egidie Bibio, Oswakim Mutuyeyezu, Butera Sandrine Isheja, Aissa Cyiza, Anne Nimwiza na Sam Karenzi.

3. Ibyamamare mu muzika, urwenya na cinema [Art and Creative Influencers]

Mugisha Emmanuel [Clapton], Kamirindi Joshua, Nkusi Arthur, Rusine Patrick, Japhet&Etienne bazwi muri Bigomba Guhinduka.

Clarisse Karasira, Mico the Best, Butera Knowless, Aline Gahongayire na Bruce Melody, Niyitegeka Gratien [Papa Sava], Benimana Ramadhan [Bamenya], Usanase Bahavu Jannet, Bazongere Rosine na Ndayizeye Emmanuel [Nick dimpoz].

4.Ibyamamare mu gutegura ibiganiro [Content Producer Influencers]

Murungi Sabin [Isimbi], Nyarwaya [Yago], Rose Nishimwe, Dashim [Dash Dash] na Irene Murindahabi

5.Ibyamamare mu myambarire ndetse no mu bwiza [Lifestyle Models]

Turahirwa Moses [Moshions], Niyitanga Olivier [Tanga Design], Izere Laurien, The Mackenzie [Zoë], Joyce Designer, Miss Mutesi Jolly, Vanessa Raïssa Uwase [Hermajesty_vanessa], Miss Nishimwe Naomie, Umukundwa Clemence na Ishimwe Winnie Nicole.

Muri ibi bihembo hazabamo ibirori byiswe ‘We share party’ aho byitezwe ko abazabyitabira bazabanza gutambuka ku itapi itukura (Rea Carpet) bagafata ifoto cyangwa bakabanza kuganira n’itangazamakuru.

KANDA HANO UBASHE GUTORA UWO USHYIGIKIYE