Koffi Olomide amaze impungenge abatekerezaga ko yaje wenyine

Umunyabigwi mu muziki wa Africa, Koffi Olomide mu gihe abura amasaha mbarwa akagera ku rubyiniro ahahuriye abantu benshi bitabiriye iki gitaramo, amaze impungenge abari bazifite atangaza ko ataje wenyine nk'uko bamwe bari babyibwiye.

Koffi ubwo yakirwaga mu mujyi wa Kigali yagaragaye ari kumwe n’abantu batarenga batanu bazanye nawe mu modoka nk'uko byagaragaye mu mashusho n’amafoto yafashwe bamwe batangira kwibaza niba ikipe ye yabaye yaje batari kumwe.

Nyamara uyu mukambwe n’umunyamiziki amaze impungenge abari bazifite mu butumwa anyujije kuri Instagram agaragaza ko yazanye na Band ye yitwa ‘Quartier Latin’ yakomeje kumuba hafi mu muziki we.

Kandi iyi Band ikaba yaranareze bamwe mu banyamuziki bakomeye mu bakomoka muri Congo Kinshasa barimo Fally Ipupa wayibanyemo hagati ya 1999 na 2006 n’abandi.

Koffi mu butumwa bw’igifaransa ati:" Rendez-vous tout à l'heure à l'arena de Kigali avec @koffiolomide_officiel et le Quartier Latin International pour un show inédit."

Ugenecyereje mu Kinyarwanda ati:"Gahunda niyandi ku isaha nyayo muri Kigali Arena hamwe na koffi Olomide hamwe kandi na Quartier Latin International cyagutse."

Koffi Olomide yageze mu Rwanda kuwa 02 Ugushyingo 2021 agera mu mujyi wa Kigali kuwa 03 Ugushyingo 2021 aho yaraye anagiranye ibihe byiza n’abakunzi be bitegerejwe ko mu masaha macye agiye kongera kuryohereza abakunzi be muri Kigali Arena.

Bamwe bari bibwiye ko Koffi Olomide yaje wenyine nyamara yemeje ko yazanya n'ababyinnyi n'abaririmbyi be mu minota micye ishize avuga ko gahunda ari gahunda muri Kigali Arena