Cristiano Ronaldo yashyizeho akandi gahigo nyuma y'igitego yaraye atsinze

Ku mukino wa gatanu wa Champions League Manchester United yahuragamo na Villarreal ikanayitsinda ibitego 2 ku busa, igitego cya Ronaldo cyaje nanone kuba icy'amateka kuri we kuko yahise yuzuza ibitego 800 mu buzima bwe bw'umupira w'amaguru.

Ibitego 5 bya mbere yabitsinze agikinira Sporting CP, Manchester United amaze kuyitsindira ibitego 128, Real Madrid yayitsindiye ibitego 451, Juventus ayitsindira ibitego 101 naho ikipe y'igihugu ya Portugal amaze kuyitsindira ibitego 116. Ibi bituma aba umukinnyi wa mbere ku Isi ukina umupira w'amaguru watsinze ibitego byinshi.

Ronaldo yujuje ibitego 100 bya mbere ari muri Manchester naho ibitego 200, 300, 400, 500 na 600 abyuzuza akinira Real Madrid, ibitego 700 yaherukaga kubyuza mu mwaka wa 2019 akinira Juventus. Igitego kandi Ronaldo yaraye atsinze cyatumye yuzuza ibitego 140 muri Champions League, akomeza kuyobora abafite ibitego byinshi muri iri rushanwa.