BePawa
Kigali

Benjamin Mendy wa Manchester City uri mu gihome yashinjwe ibindi byaha byo gufata ku ngufu

Yanditswe na: SAFARI Garcon
Taliki:17/11/2021 12:55
0


Myugariro wa Manchester City yo mu Bwongereza, Benjamin Mendy uri mu buroko yongeye gushinjwa ibindi byaha bibiri byo gufata ku ngufu.



Kuri uyu wa Gatatu tariki ya 17 Ugushyingo 2021, Mendy aragezwa imbere y’Urukiko mu karere ka Stockport, aho yisobanura ku byaha bitandatu byo gufata ku ngufu ashinjwa.

Uyu mukinnyi w’imyaka 27 y’amavuko, ubu ari mu buroko aho ahanganye n’ibyaha bitandatu byo gufata ku ngufu n’ikindi cyaha cyo gusambanya.

Mendy arashinjwa ibi byaha bivugwa ko yakoze hagati y’Ukwakira 2020 na Kanama 2021, aho ashinjwa gufata ku ngufu no gusambanya abakobwa barengejeho gato imyaka 16.

Uyu myugariro wageze muri Manchester City mu 2017 avuye muri Monaco yo mu Bufaransa, aho yatanzweho miliyoni 70 z’amadolari, aheruka gukinira iyi kipe mu mwaka ushize w’imikino mbere yo gushinjwa ibi byaha.

Uyu mukinnyi mpuzamahanga w’umufaransa, ubwo yatangiraga gushinjwa ibi byaha, Manchester City yahise imuhagarika kugira ngo Polisi ibanze ikore iperereza.

Ntabwo Mendy afuze wenyine kuko ibi byaha abisangiye na mugenzi we wahoze asiganwa ku maguro, Louis Saha Matturie, nawe ushinjwa ibyaha byo gufata ku ngufu yakoze hagati ya Werurwe na Kanama 2021.

Uyu munya Sierra Leone ubu afite imyaka 40 y’amavuko, akaba aba mu karere ka Edwin Ct, Eccles, muri Manchester mu Bwongereza, yashinjwe n'ibindi byaha bibiri nk'ibyo hamwe n'ikindi cyo gusambanya, akaba nawe yagejejwe imbere y’Urukiko.

Aba bagabo bompi bazacirirwa urubanza tariki ya 24 Mutarama 2022.

Benjamin Mendy wa Manchester City yashinjwe ibindi byaha byo gufata ku ngufu

Mendy amaze igihe mu buroko ashinjwa ibyaha byo gufata ku ngufu no gusambanya





TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND