Cristiano, Haruna Niyonzima na Messi bari ku rutonde rwa FIFA rw'abaciye agahigo mu mupira w'amaguru ku Isi

Haruna wakiniye ikipe y’igihugu guhera mu 2006, amaze guhamagarwa mu Amavubi inshuro 104, akaba yagaragaye mu ikipe y’ikinyejana ya FIFA, igaragaramo abakinnyi bahamagawe mu makipe y’ibihugu byabo imikino 100 kuzamura mu marushanwa ategurwa n’uru rwego.

FIFA ishyira umukinnyi mu ikipe y’ikinyejana iyo yahamagawe mu ikipe y’igihugu nkuru imikino igeze ku 100 mu marushanwa ategurwa n’iyi mpuzamashyirahamwe, atarimo igikombe cya Afurika gitegurwa na CAF.

Haruna Niyonzima ni we mukinnyi w’umunyarwanda wenyine ugaragara kuri uru rutonde rwa FIFA ruyobowe n’umunya- Malaysia, Soh Chin Ann w’imyaka 71 y’amavuko wakiniye ikipe y’igihugu imikino 195, akaba yarahamagawe bwa mbere muri iyi kipe tariki ya 19 Ugushyingo 1969, umukino wa nyuma yawukinnye ya 18 Ukwakira 1984.

Uru rutonde ruriho abanyabigwi bose mu mupira w’amaguru barimo Messi, Cristiano, Zidane, Roberto Carlos n’abandi benshi.

Haruna ari ku rutonde rwa FIFA rw'abakinnyi bamaze gukinira amakipe yabo y'ibihugu imikino myinshi

Messi na Cristiano bagaragara kuri uru rutonde ruriho Haruna

Haruna ni we munyarwanda wenyine ugaragara kuri uru rutonde