Manchester United mu muryango usohoka mu makipe akomeye i Burayi – URUTONDE

Manchester United iri ku mwanya wa cyenda ku rutonde mpuzamashyirahamwe y’umupira w’amaguru i Burayi ‘UEFA’ yashyize ahagaragara, rugaragaza uko amakipe ahagaze mu myaka itanu ishize.

UEFA ibara amanota yakusanyijwe mu myaka itanu ishize, harimo n’uko yitwaye muri UEFA Champions League mu myaka ishize.

Manchester United ntiyitwaye neza ku ruhando rw’u Burayi mu myaka ishize n’ubwo yageze ku mukino wa nyuma wa Europa League iheruka gutsindirwaho na Villarreal kuri penaliti.

Kure cyane United iheruka kugera muri Champions League mu myaka itanu ishize,  ni muri ¼ mu 2019,  aho yasezerewe na FC Barcelona yo muri Espagne.

Ku rutonde rwaherukaga gushyirwa ahagaragara, Manchester United yasubiye imyuma kuko yaherukaga kuba iya karindwi.

Liverpool bahanganye yazamutse hejuru ya Man.United nyuma yo gutwara igikombe cya UEFA Champions League muri 2019 ndetse ikarangiza ku mwanya wa 2 mu mwaka wari wabanje.

Amakipe arimo Manchester City yageze ku mukino wa nyuma ubushize hamwe na Chelsea yatwaye igikombe ubu ziri hejuru ya Manchester United.

Uko amakipe 10 akurikirana ku rutonde rwa UEFA:

1.Bayern Munich

2.Manchester City

3.Liverpool

4.Chelsea

5.FC Barcelona

6.Paris St Germain

7.Real Madrid

8.Juventus

9.Manchester United

10.Atletcio Madrid

Amakipe 10 akomeye i Burayi mu myaka 5 ishize