Kigali
-->

Zari yagize icyo avuga ku mafoto y'ubukwe bwe bwari bwasize inkuru imusozi-AMAFOTO

Yanditswe na: Neza valens Vava
Taliki:19/10/2021 16:50
0

Zari nyuma yo gusabwa n'abakunzi be kubakura mu rujijo akababwira niba yakoze ubukwe mu ibanga rikomeye nyuma y'amafoto yagiye hanze agasiga inkuru imosozi, yagize icyo abivugaho.



Kuri uyu wa Mbere tariki 18 Ukwakira 2021, ni bwo ku mbuga nkoranyambaga hasakaye amafoto ya Zari amugaragaza nk'uwakoze ubukwe mu muhango bita "Kukyala ceremony" ukorwa mu muco w'abagande aho Zari uyu muherwekazi wabyariye Diamond abana babiri akomoka. Uyu muhango muri iki gihugu ufatwa nk'ubukwe kuko umukobwa aba agiye kwerekana mu muryango uwo bitegura kurushinga. 


Nyuma y'uko aya mafoto ya Zari agiye hanze amugaragaza nk'uwakoze ubukwe ndetse ari kumwe n'umukunzi we, byatangiye guhwihwiswa ko ubukwe bwabaye. Rubanda babihuzaga n'uko mu mpera z'icyumweru gishize yari ari i Kampala. Blizz.co.ug yo muri Uganda yanditse ko amakuru y'ibihuha yavugaga ko uyu mubyeyi w'abana batanu yakoze ubu bukwe [Kukyala ceremony] bukaba bwarabereye aho ababyeyi be bakomoka mu gace kitwa Jinja kandi bukaba bwarabaye mu ibanga rikomeye.


Aya mafoto yatumwe hakwirakwira igihuha cy'uko Zari yakoze ubukwe n'uyu mugabo 

Iby'ubu bukwe Zari yabihakanye! Mu mashusho yanyujije ku rukuta rwe rwa Facebook yasabye abakunzi be kudaha agaciro aya mafoto yakwirakwiye ku mbuga nkoranyambaga kuko atakoze ubukwe. Yagize ati"Hari amafoto yazengurutse ku mbuga nkoranyambaga, ntimuyahe agaciro. Ariya ni ayavuye mu mashusho y'umuhanzi ukizamuka mu njyana ya gosple kandi w'ingenzi ku Mana. Rero ntimuhe agaciro buri kintu muri gusoma kuri Internet".


Nta mazina y'uyu muhanzi yatangaje igihari ni ukuzategereza aya mashusho agasohoka. Uyu mubyeyi w'abana batanu nyuma yo gutandukana na Diamond, yerekanywe na Dark Stallion nk'umukunzi we mushya tariki 14 Gashyantare 2021. Nyuma y'igihe gito Zari yaje gutangaza ko yatandukanye nawe kuko atamwubaka.






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND