RFL
Kigali

Biragoye ko wabyumva! Reka tugutembereze umujyi wa Monowi wo muri America utuyemo umuntu umwe rukumbi nawe w'umukecuru -AMAFOTO

Yanditswe na: David Mayira
Taliki:5/10/2021 19:41
0


Akenshi iyo bavuze umujyi abenshi bumva ahantu haba ikorwa remezo byinshi n'urujya n'uruza rw'abantu, yewe n'ibikorwa by'ubucuruzi, ariko ushoboka kuba aribwo bwa mbere wumvise umujyi witwa Monowi, uyu mujyi uratangaje cyane kuko utuwe n'umuntu umwe rukumbi.



Monowi ni umudugudu winjijwe mu ntara ya Boyd, muri Nebraska, muri Amerika. Yamenyekanye ku rwego mpuzamahanga  nyuma y’ibarura rusange ry’Amerika ryo mu 2010, ryabaze umwe gusa  nk'umuturage utuye muri uwo mudugudu, Umukecuru  Eiler w'imyaka 87 y'amavuko niwe utuye mu mudugudu wenyine. N’ubwo ibarura rusange ryo mu 2020 ryagaragaje ko abaturage ba Monowi bariyongereye bagera kuri babiri, ariko nyuma n'ubundi  Eiler akaza gusigara mu mujyi wenyine.


Ukurikije imigenzo, izina 'Monowi' risobanura "indabyo" mu rurimi kavukire rwa Amerika rutamenyekanye. Monowi yitiriwe indabyo nyinshi zo mu gasozi, zikura ahahoze umudugudu. Monowi yashizwe mu 1902, igihe umuhanda wa gari ya moshi wa Fremont, Elkhorn na Missouri wageraga muri ako gace. Ibiro by'iposita byashinzwe i Monowi mu 1902, bikomeza gukora kugeza mu 1967, akenshi bwari ubutumwa bwashakaga  kugera ku  muryango wa Eiler n'umugabo we gusa.


Imyaka ya za 1930, igihe  Monowi yari  ituwe n'abaturage 150. Kimwe n'indi miryango mito mito yo muri iki  Kibaya kinini, Monowi  yatakaje abaturage bayo bimukira ahatandukanye, kandi yari  mu mijyi yari ifite iterambere kandi itanga akazi keza. Mu ibarura ryo mu 2000, umudugudu wari utuwe n'abantu babiri gusa.


Inzu ya Eiler wibera mu mujyi wa Monowi wenyine 

 Abashakanye  Rudy na  Eiler nibo babarwa nk’abaturage ba Monowi bazwi. Umugabo wa Eiler, Rudy yapfuye mu 2004, asiga umugore we nk'umuturage wenyine usigaye. Muri urwo rwego, Eiler yahise akora  nk'umuyobozi mu gace ke,  agakora  igenamigambi ry’imihanda buri mwaka kugira ngo abone inkunga ya Leta  ku matara ane yo mu mudugudu we atuyemo.


Umukecuru Eiler niwe wenyine wibera mu  mujyi wa Monowi

N’ubwo umudugudu usa nk’uwatereranywe, ufite akabari kitwa Monowi Tavern, gakorwa na Eiler ku bagenzi ba mukerarugendo. Byongeye kandi, Eiler akomeza akagira isomero umugabo we yasize usanga ryakira abantu benshi nk'ibihumbi bitanu buri kwezi. 






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND