Kuri uyu wa Gatandatu tariki 28 Kanama 2021, umuhanzi Igor Mabano yasabye anakwa umukunzi we bitegura kurushinga. Ni umuhango yakoze ashyigikiwe n'abarimo Producer Ishimwe Clement wa Kina Music, abahanzi Andy Bumuntu, Yvan Buravan na Nel Ngabo.
Uyu muhanzi kandi yamaze gusezerana imbere y'amategeko n'umukunzi we kuri uyu wa Gatanu tariki 27 Kanama 2021 mu muhango wabereye mu Murenge wa Kimihurura mu mujyi wa Kigali. Hashize amezi abiri amwambitse impeta y'icyizere amuteguza kurushinga. Akoze ubukwe nyuma y'uko ajugutiye imijugujugu inyaRwanda.com yari yatangaje mbere y'abandi ko afite ubukwe mu minsi ya vuba. Icyo gihe yahamije ko nta bukwe afite.
Igor Mabano umuhanzi uri mu bakunzwe cyane mu ruhando rwa muzika nyarwanda ndetse waraye anashyize hanze indirimbo yitwa 'Nta Kosa', ku mugoroba w'uyu wa Gatandatu ni bwo yasabye anakwa umukunzi we mu birori byitabiriwe n'ibyamamare bitandukanye birimo; Yvan Buravani na Producer Ishimwe Clement na Andy Bumuntu.
Yvan Buravan na Andy Bumuntu nabo bari babucyereye
Igor Mabano (ibumoso) mu muhango wo gusaba no gukwa
Ejo hashize kuwa 27 Kanama 2021 ni bwo Igor Mabano yasezeranye mu mategeko mu murenge wa Kimihurura
Eng
RSS 
TANGA IGITECYEREZO