Hari abayobozi bo ku rwego rwo hejuru usanga bicisha bugufi cyane bagasabana n'abaturage bakaba bajya no ku isoko guhaha badatumye. Ambasaderi wa Leta Zunze Ubumwe za Amerika muri Tanzaniya, Donald Wright, yageze ku bana bacuruza ibiribwa ku muhanda ava mu modoka agura ikigori cyokeje arakirya.
Kuwa kabiri tariki ya 17 Kanama 2021 amafoto ya Ambasaderi wa Leta Zunze Ubumwe za Amerika muri Tanzaniya yakwirakwiriye ku mbuga nkoranyambaga ari kugura ikigori ubwo yari arimo gutembera ibice bimwe na bimwe bya Tanzania. Ubwo yari ari mu nzira yerekeza Iringa yaje kubona abana bacuruza ibyo kurya birimo: ibirayi, ibijumba, ibisheke n'ibigori byokeje ahita agura ikigori.
Amb. Donald Wright avuga ko yaguze ikigori kandi ko yashimishijwe n'ibice yari yatembereyemo, ati "Naguze ikigori cyokeje. Nashimishijwe cyane n'ubwiza bw'ahantu nyaburanga muri kariya gace k'igihugu ndetse n'ubucuti bwa buri wese duhuye. Tanzaniya ni nziza rwose".
Eng
RSS 
TANGA IGITECYEREZO