Ikipe y'igihugu ya Volleyball yabonye umutoza mushya ukomoka muri Brazil

Ishyirahamwe ry'umukino wa Volleyball mu Rwanda ryatangaje ko umutoza Paulo de Tarso yongeye kugirwa umutoza mukuru w'amakipe y'igihugu yombi yaba ikipe y'igihugu y'abagore ndetse n'abagabo. Paulo De Tarsio w'imyaka 44 agarutse mu Rwanda nyuma y'umwaka umwe, yigeze kuhaba mu 2010-11 icyo gihe yafashije ikipe y'igihugu y'abatarengeje imyaka 20 kugera mu makipe 4 meza muri Afurika mu bakiri bato.

Uyu mutoza ufite uburambe bw'imyaka 19 muri aka kazi, azungirizwa na Fidele Nyirimana na Dominique Ntawangundi ku ruhande rw'ikipe y'abagabo, naho mu bagore akazungirizwa na Luc Ndayikengurukiye, na Christophe Mudahinyuka. Ikipe z'igihugu za Volleyball zari zimaze hafi imyaka 2 nta mutoza mukuru zifite nyuma y'aho Paul Bitok avuye kuri izi nshingano muri Mata 2019.

Inshingano ze za mbere zizatangira mu kwezi gutaha aho azaba afite aya makipe yombi mu mikino ya CAVB African Nation's Championships izabera mu Rwanda kuva tariki 5 kugera 20 Nzeri 2021.