Kigali

Abakinnyi 5 ikipe iri ku isoko yahaha

Yanditswe na: ISHIMWE Olivier Ba
Taliki:27/07/2021 14:16
1


Amakipe menshi by'umwihariko ayo mu mujyi wa Kigali ndetse na Bugesera FC akataje ku isoko ry'igura n'igurisha yitegura umwaka w'imikino utaha, ariko hari abakinnyi bataragurwa kandi bitwaye neza muri shampiyona iheruka.



Ubundi iyo ikipe ya APR FC yashoje kugura, ubwo umukinnyi utayerekejemo biba bishoboka ko andi makipe asigaye iyaba ifite agafaranga kisumbuyeho ariyo yamwegukana. Haba muri Marine FC Bugesera, As Kigali, Rayon Sports, Mukura victory Sport hose APR FC yagezeyo bivuze ko waba mu cyeba waba ikipe yo mu ntara APR irahaha ntacyo yitayeho. Gusa ubu ikibuga gisigaye ku makipe yandi areba mu bakinnyi APR FC itaguze nabo bakihahira. Tugiye kurebera hamwe abakinnyi 5 b'imbere mu gihugu bitwaye neza amakipe ashaka abakinnyi ashobora guhaha kandi bakayafasha.

Uwizeye Djafali


Akina 6 ya Espoir FC, muri uyu mwaka akaba yarakinnye imikino 10 muri 13 Espoir yakinnye. Ni umwe mu bakinnyi bagize uruhare mu musaruro mwiza Espoir FC yagize ubwo yayifashaga mu kuzibira ndetse no kurwana ku bitego Espoir yabaga yatsinze. Uwizeye Djafali yaciye mu makipe atandukanye nka Sec academy 2014-2015, akinira Gicumbi FC 2017-18, ahava yerekeza mu Magaju FC 2018-19.

Niyibizi Vedaste


Vedaste akinira ikipe ya Sunrise FC yamugize uwo ariwe kugeza ubu, uyu musore ashoje amasezerano ye yari afitanye na Sunrise FC nyuma yo kuyigarukamo 2019 avuye muri Police FC yari amazemo umwaka umwe. Umwaka w'imikino 2019-20 Vedaste mu mikino 23 yatsinzemo ibitego 3 atanga imipira 8 ivamo ibitego. Ni umukinnyi ufite ubushobozi bwo gukina nka nimero 10 ndetse akaba yanakina aciye ku mpande. Muri uyu mwaka w'imikino Vedaste yakinnye nka nimero 8 akina imikino 13 atanga imipira 5 ivamo ibitego.

Mutsinzi Claude


Mutsinzi bakunze kwita Messi, ni umwaka we wa mbere yari akinnye mu kiciro cya mbere nyuma yo kuzamukana na Rutsiro FC. Mutsinzi yavuye mu ikipe y'Intare  mu 2016 yerekeza muri United yo mu kabagari 206-17 ahava ajya muri Rwamagana City mu 2017-18 naho yavuye ajya muri Rutsiro FC ubu amazemo imyaka 2 gusa amasezerano ye akaba yarageze ku musozo. Mutsinzi Claude afite ubushobozi bwo gukina nka nimero 6 ndetse ukaba wanamukinisha mu mutima w'ubwugarizi. Uyu mwaka w'imikino yakinnye imikino 11 akaba afite imbaraga mu kwaka imipira yo hasi.

Sadick Soulley


Rutahizamu wa Espoir FC ukomoka muri Ghana akaba ari umukinnyi ufite amasezerano y'umwaka umwe muri Espoir FC uyu musore w'imyaka 20 y'amavuko, umwaka ushize yakinnye imikino 11 akaba afitemo uruhare rw'ibitego 11 harimo bitanu yatsinze ndetse n'imipira 5 ivamo ibitego yatanze. Afite ubushobozi bwo gutindana umupira ndetse yakina mu ikipe ikoresha rutahizamu umwe, Sadick Kandi ni umukinnyi wabasha guca ku mpande yaba 7 na 11 bigendanye n'igihagararo cye.

Isah Akor Umor


Akor akomoka muri Nigeria akaba rutahizamu wa Espoir FC wasinyiye amasezerano y'imyaka 2 mu mwaka ushize. Uyu musore yanyuze mu makipe nka Prime FC na Heartland zo muri Nigeria ndetse na UD Leiria yo muri Portugal. Akor uzi gukina imipira ya nyuma, umwaka urangiye w'imikino yakiniye Espoir FC imikino 7 atsindamo ibitego 5 ndetse anatangamo imipira 2 ivamo bitego.






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Mu1 month ago
    Amakuru yimikino ko ntago muduhe Aya Rayon



Inyarwanda BACKGROUND