Uwahoze ari umuzamu w'ikipe y'igihugu Amavubi Kwizera Olivier nyuma yo gusezera kuri Ruhago yababaje benshi bamukundaga barimo Miss Rwanda 2016 Mutesi Jolly ndetse na Bamporiki Edward.
Kwizera Olivier kuri uyu wa 4 aganira na Radio Flash nibwo yatangaje ko asezereye ku mugaragaro umupira w'amaguru, ijambo ryatunguye benshi ndetse abakurikiranira hafi Siporo mu Rwanda bababazwa n'uko Kwizera Olivier w'imyaka 27 asezeye imburagihe.
Buri umwe yabyakiriye ukwe, ndetse kuri buri rwego mu Rwanda ntihabura umuntu ugaruka kuri iyi nkuru y'isezera rya Kwizera Olivier wafatwaga nk'umuzamu wa mbere mu Rwanda.
imyaka 27 niyo Kwizera Olivier yasezereyeho ruhago
Abinyujije ku rukuta rwa Twitter Miss Rwanda mu 2016 Mutesi Jolly yatangaje ko mu gihe gito atangiye gukurikirana umupira w'amaguru yari umukunzi wa Kwizera Olivier.
Yagize ati" mugihe gito ntangiye guha umwanya wanjye umupira w'amaguru, yari umwe mu bazamu nakundaga (Kwizera Olivier) mbabajwe n'ukuntu amanitse amaboko agasezera ku mupira w'amaguru. Mu by’ukuri noneho nemeye ko umupira w'amaguru ari ikiyobyabwenge kuri bamwe. Gusa amahirwe masa mubyo werekejemo."
Miss Rwanda ni umwe mu bantu b'ikitegererezo mu rubyiriko
Munsi y'ubu butumwa, umunyamabanga wa Leta muri Minisiteri y'urubyiruko bwana Bamporiki Edward yashubije Miss Mutesi Jolly ko na n’ubu Kwizera Olivier bakimukeneye agira ati: “Turacyamukeneye cyane”.
Abantu bamwe batangiye gahunda yo gusaba Kwizera Olivier ko yakisubiraho ku cyemezo yafashe akagaruka mu izamu kuko u Rwanda rukimukeneye.
Eng
RSS 
TANGA IGITECYEREZO